Александр Соловьев Россиысь Президентлэн предпринимательёслэн ужъёсызъя оскем муртэныз пумиськиз

Удмурт Дунне
By Удмурт Дунне Июнь 2, 2016 10:11
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Александр Соловьев но Борис Титов

Журналистъёсын пумиськыкузы, Александр Соловьев но Борис Титов веразы, кенешонзы пайдаё ортчиз шуыса.

Александр Соловьев но Борис Титов Удмуртиын ужбергатонэн кылдэм ужпумъёс сярысь кенешизы.

Элькун Тӧро пусйиз: шаерамы бизнес азинске шуыса. Удмуртия пӧртэм амалъёсын юрттӥськыны тырше. 2015-тӥ арын пичи, шоро-куспо ужбертӥсьёслы бюджетысь 248 миллион манет висъяськиз. Правительствоен кылдытэм программаосъя капчиятэм кредитъёс, займъёс басьтыны луэ. Кылем ар куспын ас уженызы вырисьёслэн лыдзы, 8 но ӝыны процентлы будыса, 57 сюрслэсь трос луиз ни. Та лыдпусъя шаермы Россиын 7-тӥ интыын луэ.

Эшшо но ӝоггес азинскыны пӧртэм мугӟетъёс люкето. Кылсярысь, Александр Соловьев ӝожтӥськиз кредитъёслэн бадӟым процентной ставказы, кун катъёслэн ӵем вошъяськонзы но мултэс эскеронъёс вылэ.

Журналистъёсын пумиськыкузы, Александр Соловьев но Борис Титов веразы, кенешонзы пайдаё ортчиз шуыса.

— Предпринимательствоез азинтон, экономикалы бадӟым пайда ваем сяна, огшоры калыклы но умоен берытске. Котькуд выль производство со уно ужан интыос, — шуиз элькун Тӧро. — Удмуртиын экономикалэн та сектораз 134 сюрс адями ужа. Пичи, шоро-куспо бизнес огъя элькун экономикаын 20 процент басьтэ. Та лыдпусэз вылӥгес ӝутыны быгатом шуыса, оскисько.

Борис Титов пусйиз: экономикаын шуг-секытъёс кылдэмен, тужгес но зол промышленной предприятиос курадӟо, малы ке шуоно калык ичигес басьяське. Президентлэн оскем муртэз вераз экономикаез азинтонъя выль программа бордын ужамез сярысь но. Бизнесменъёслэн ӵектонъёссы Правительствое сётэмын ни. Ӝоген соос пыр-поч эскеремын луозы.

Александр Соловьев осконзэ вераз, Борис Титов элькун Правительстволэсь ужбергатонъя малпанъёссэ Москваын вералоз шуыса.

Павел Вахрушев

Туспуктӥз: Тӧролэн но Правительстволэн пресс-службаез 

Удмурт Дунне
By Удмурт Дунне Июнь 2, 2016 10:11
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<