150 сюрс евро, гужем лымы но кужмоез — Путин

Удмурт Дунне
By Удмурт Дунне 20 июня, 2016 13:11
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

футболДуннеын

Тыриськон

Россилэн футболъя командаез Европалэн чемпионатысьтыз палэнтэмын ӧвӧл. Но тупатэмын тыриськон — 150 сюрс евро.

Таӵе чурыт алон команда азе пуктэмын Россиысь но Англиысь учкисьёс куспын ӵашетонъёс потэм бере. Учыр луиз 11-тӥ июне, та кунъёслэн командаоссы куспын матч бере. Йылпумъяськиз со 1:1 лыдын. Но Россиысь висисьёс потӥзы англичанъёс дӥне, тулкымъяськонъёс ӝутӥзы.

Бӧрысь Франциысь спецназ дугдытъяз асьме учкисьёслэсь Лилль городэ мынӥсь автобуссэс — отын командамы шудӥз Словакиысь командаен. Озьы кӧняез ке болельщикъёс та матче ӧз шеде: берен Россие келямын вал. Россия но Словакия куспын шудон йылпумъяськиз 1:2 лыдын. Учкисьёс куспын ӵашетон ӧз поты.

Пленарное заседание Петербургского международного экономического форума

kremlin.ru

Россиын

Кужмоез — Путин

Санкт-Петербургын ужзэ азинтэ Экономикая калыккуспо форум (ПМЭФ).

1997-тӥ арысен кутскыса, та форум арлы быдэ ортчылэ. Россиысь сяна, мукет кунъёсысь но тодмо политикъёсты, ужбергатӥсьёсты, экспертъёсты бордаз кыске. Туэ но отчы 4 сюрс пала адями люкаськемын. Куноосты пумитаса, В. Путин пусйиз: туала экономика юн герӟаськемын политикаен, соин ик котькуд вамышез туж малпаськыса лэсьтоно.

Ужрадлэн нырысетӥ нуналаз ик кыл куриз Францилэн азьвыл президентэз Николя Саркози. Ӵектӥз: санкциослэсь куштӥськон понна нырысетӥ вамыш мед лэсьтоз тужгес кужмоез. Нош кужмоез — со Россия, со — Путин.

OLYMPUS DIGITAL CAMERA

Туспуктӥз А. Горбунов.

Удмуртиын

Мамык пурӟе — тыл гомӟе

Кылем шутэтскон нуналъёсы шаерамы 32 пол тылпу потаз.

Ӵемысь гомазы жуг-жаг куян интыос. Озьы ик та вакытэ бадӟым изъян вае тополь мамык. Спасательёс ӝуаны кутскем тополь мамыкез кысыны нуналлы быдэ ог 10 пол потало. Кысымтэ тамак пум мамык борды чаляк лякиське. Тыл потон учыръёсыз синйылтыкуды, ӝегатскытэк ивортэ 101 но 112 номеро телефонъёсъя.

Дасязы Валентина Емельянова, Элина Кумачёва

 

 

 

Удмурт Дунне
By Удмурт Дунне 20 июня, 2016 13:11
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<