02 ивортэ: Бышказ отвёрткаен, ошъёс лекаськизы, вож нуныез быдтӥз

Удмурт Дунне
By Удмурт Дунне 29 июня, 2016 10:50
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Ошъёс леказы

Камбарка ёросысь огаз фермаын ужась воргоронэз 2 ошъёс лекаллям.  Пиосмурт быриз.

Следствиея управлениын ивортӥзы: фермаын пиосмурт возьмаськись луыса огназ ужа вылэм. 18-тӥ июне ӝыт воргорон синйылтэм: 2 ошъёс пегӟыны выро. Соосты дугдытыкуз, порозъёс вылаз пыриллям. Солэсь гадьзэ, кӧтсэ сюръёсынызы шуккизы.

Вож нуныез быдтӥз

Ува ёросысь огаз сад-бакчаын шедьтэмын вож нунылэн шӧйыз.

Нуныез 3 нылпиослэн анайзы вордэм. 4-тӥзэ со вайыны уг малпа ини вылэм. Соин ик учётэ султылымтэ, пиякуз но эмъясьёслы вазиськылымтэ. Кӧто дыръяз, пиналыз мед усёз шуыса, пӧртэм суретъёс юылэм. Следовательёслы кышномурт валэктэм: нуныез  кулыса вордӥськем. Соин ик сое, пе, кофтаен шобыртӥ но бакчаям соги…

Лушкем  ӧз узырме

Глазов ёросысь 6 воргоронъёс шудон автоматъёсын узырмыны малпаллям.

Кылем арын воргоронъёс гаражъёс пушкы шудон автоматъёс лушкем пуктылӥллям. Кузь коньдон сярысь малпанъёссы тымиськемын вылэм, шӧдске. Автоматъёсын шудӥсьёсты, тыриськонды вань шуыса, кышкатъяллям, жугылӥллям. Уллёлэн кузёез югдурез утисьёслэсь но кышкамтэ. Дораз йыгаськем полицейской вылэ мыжыкъёсыныз омырскем.

 Эрикын ветлӥз 12 ар

Шаерысьтымы югдурез утисьёс кырмизы 12 ар талэсь азьло федерал розыске сётэм йыртэмасез.

12 ар талэсь азьло пиосмурт юлтошеныз ӵош Алнаш черкогуртын лушкаськем. Тодмозэ полицейскойёс кырмизы, сое пытсэт сьӧры келязы. Нош ачиз кунгож сьӧры пегӟыса вуттэм. Кемалась ӧвӧл шаерысьтымы югдурез утисьёслы Новосибирскысь ивор вуиз: йыртэмась Россие, пе, берытскем. Озьы укылтэм пиосмурт кырмемын вал.

 Ворттылӥз усыкмыса

Ижысь 40 аресъем таксист сюрес вылэ потэм, наркотикъёсын шузимыса.

Усыкмем-кудӟем водитель К. Либкнехт ульчаын автобус вылэ пыриз. Отын 6 пукисьёс, зол шуккиськыса, больницае шедизы. Нош ачиз пиосмурт 2 арлы кечат-вамат укно сьӧры пуксьыны быгатоз. Со вылэ уголовной уж ӝутэмын.

Бышказ отвёрткаен

Сарапул городысь воргоронэз 3 арлы пытсэт сьӧры келязы отвёрткаен полицейскоез бышкалтэмез понна.

Элькунысь Прокуратура ивортэмъя, кышкыт учыр луиз кылем арын декабре. Пиосмурт сач-сач юэм, семьяяз керетон ӝутэм. Ӵашетӥсь доры полицейской пырем. Кудӟем воргорон куноез отвёрткаен пумитам. Нырысь кӧтаз бышкалтэм. Собере нош омырскем, но отвёртка пистолет нуллон кобурае чукам.

 Ольга Корепанова

Удмурт Дунне
By Удмурт Дунне 29 июня, 2016 10:50 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<