«Ватка» театр пуктӥз П. Захаровлэсь вероссэ

Удмурт Дунне
By Удмурт Дунне Май 25, 2016 16:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Та нуналъёсы 5 ар тырмиз егитъёслэн «Ватка» театральной студизылы.

Со кылдытэмын вал Удмурт кун университетысь удмурт филологияя факультетын.  Студиен кивалтэ тодмо режиссёр Василий Ушаков. Пичи юбилейзылы сӥзьыса, ортчем арня вискын «ваткаос» кык постановказэс пуктӥзы. Нырысетӥез  — Пётр Захаровлэн веросэзъя «Бадиян сяськаяське», кыкетӥез — Лариса Ореховалэн кылбуръёсызъя «Ярдуртэм нюлэс».ватка

Мар со бадиян? Авторлэн верамезъя, со — лул, солэн сяськаямез. Таӵе кылзы, пе, удмуртъёслэн ӧй вал, но Пётр Захаровлы со уйвӧтаз лыктэм, туж чебер, лулпушез возьматӥсь кыл кадь потэм.

«Бадиян сяськаяське» постановкаын возьматэмын, кызьы Музъем вылын луллэн сяськаян вакытэз вуэ. Но ваньмыз сокем чебер но чылкыт луысал ке… Тани егит пияш Кирла кудӟытӥсь суретъёсын эшъяське, нош ик, пизь-пизь кудӟыса, изе ошмес дурын. Сыӵе суредэз адӟыны Шундылы но вӧсь, со, юрттэт курыса, Толэзьлы вазиське…

Та постановкаез Удмурт кун  университетысь нырысетӥ  курсын дышетскисьёс пуктӥзы. Валамон, соос зэмос артистъёс ӧвӧл, но паймытӥз егитъёслэн ваньзэ сюлэм пыртӥзы поттэмзы.

«Ярдуртэм нюлэс» постановка но адямилэн туала улонын интыезлы, солэн отчы-татчы кыстаськемезлы сӥземын вал. Тазэ ини куинетӥ курсын дышетскись егитъёс пуктӥзы, сцена вылын соос асьсэды туж быгатыса возизы.

«Ватка» этностудилэн кивалтӥсез Василий Ушаков тау кариз ваньмызлы, кин юрттӥз ас вакытаз та студиез усьтыны. Нимысьтыз пусйиз удмурт филологияя факультетлэсь азьвыл деканзэ Любовь Фёдороваез но Удмурт филологияя, финно-угроведениея но журналистикая институтлэсь кивалтӥсьсэ Наталья Кондратьеваез. «Ваткаосты» юбилеен ӟечкылазы но паськыт инвисъёс сӥзизы «Удмурт Кенеш» огазеяськонлэн кивалтӥсез Татьяна Ишматова, культурая но туризмъя министрлэн воштӥсез Пётр Данилов но мукетъёс.

Елена Васильева

 

 

Удмурт Дунне
By Удмурт Дунне Май 25, 2016 16:30 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<