Silent Woo Goore удмурт рок-группа сцена вылысь кошке

Related Articles

• Шӧкыч: 3 нунал губияз… 0 03.Сен
• «Играй, гармонь» утча удмурт арганчиосты 0 04.Окт
• Сяська интые — жаг 0 20.Мар

 Та нуналъёсы Silent Woo Goore удмурт рок-группа шара ялӥз: сцена вылысь соос кошко!

Ижысь «Юпитер5» клубын соос берпуметӥ концертсэс возьматӥзы. 8 ар кырӟаса, дуннелэн пӧртэм сэрегъясаз ортчылӥсь фестивальёсы пыриськыса но кӧня ке альбом поттыса, группа сцена вылысь кошконо кариськиз.

8 ар куспын Г. Степанов (барабан), С. Ручкина (вокал), В. Жуйков (гитара) будӥзы, кыдазы, азьланяз, оло, асьсэды эскерозы выль проектъёсын. Кырӟась Светлана Ручкина шуэ: та пумысен малпанъёсмы вань ни, но со сярысь шара вераны нокин уг дырты на. Светӥ кемалась ик ӧвӧл семья кылдытӥз, кӧня ке шутэтскемез но потэ: кышномуртлэн нылпи ваён вакытэз но луылэ ук. Со ассэ эскериз ни сольной проектаз. Потӥзы «Шузимемын», «Веръя», «Пӧяд» синглъёсыз. Ӝамдэ ӵыдэтскыса, со нош ик нимаз кырӟаны чакла. «Сайлентъёс» кошкемен валче элькунлэн крезьгур сценаяз мӧзмыт луиз…

Елена Никитина