«Музейёслэн уйзы» ужрадэ пыриськиз 20 сюрслэсь ятыр адями

Удмурт Дунне
By Удмурт Дунне Май 25, 2016 15:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
d5XBoq6i3MY

Киужъёсъя элькун юртын, удмурт дӥськут дӥсяса, туспуктэм лэсьтыны луиз.

21-тӥ куартолэзе быдэс Удмуртиысь музейёс берозь ужазы.  «Музейёслэн уйзы» арысь аре ортче быдэс дуннеын.

Та акция одћг нуналскын гинэ уг ортчы. 20-тћ куартолэзе Ижысь Г. Красильниковлэн музей-квартираяз чузъяськизы Роман Болтачевлэн но Peace Pu группалэн кырӟанъёссы. Мукет нуналаз Суредаськон искусствоосъя музейын ортчизы вужмем суредъёсты выльдонъя, блокнот, панно лэсьтонъя мастер-классъёс. Тунсыко ужрадъёсын паймытӥз К. Герд нимо музей: чузъяськиз крезь, нылкышноос, мотоос вылэ пуксьыса,  «Арсенал» котыртӥ круг сётӥзы. Трос калык вуиз мамонтлэсь лыоссэ учкыны. Туэ тулыспалэ Дэри ёросысь Шаберды гуртын шедьтэмын мамонтпилэн лысьӧмез, со утиське та музейын.

Можгаысь музейёс ужрадъёссэс кинолы сӥзизы — чузъяськизы киноос сярысь лекциос, киноосысь кырӟанъёс. Сарапулысь Шор Прикамьелэн историезлы но культураезлы сӥзем музейлэн  ужрадъёсыз быдэс город тыр пазьгиськемын вал: Сарапул кузя экскурсиос, купечлэсь корказэ адӟон…

2-тӥ арзэ «Музейёслэн уйзы» акция борды итӥськиз Ижысь киужъёсъя центр но. «Киужъёсъя уйын» калык перепеч, кокрок пӧраз, пӧртэм вакытъёсысь басмаосын, венгер пужыосын тодматскиз, басмалэсь мунёос пӧрмытъяз.

Удмуртиысь Культурая но туризмъя министерство ивортэмъя, арысь аре та акция улсын ортчытэм ужрадъёсы калык тросгес но тросгес кыстӥське.  Кылем арын 18 сюрс 500 пала адями музейёсы вуылӥз вал, туэ — ог 20 сюрс.

Вераны кулэ, «Музейёслэн уйзы» акция нырысьсэ ортчиз Берлинын 1997-тӥ арын. Быдэс уй ӵоже адямиос быгатӥзы дунтэк пыраны вань музейёсы. Вуоно араз та малпан борды итӥськизы Европаысь мукет городъёс, Россиозь та йылол вуиз 2002-тӥ арын, нош Удмуртиын «Музейёслэн уйзы» 6-тӥ арзэ ортчиз.

Мария Векшина

Туспуктӥз Чудья Жени

Удмурт Дунне
By Удмурт Дунне Май 25, 2016 15:40 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<