Депутатъёс таза улонэн эшъяськизы

Удмурт Дунне
By Удмурт Дунне 23 мая, 2016 11:22
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
2016_05_20_сердечки

«Таза сюлэмлэн арняез» радъяз Тазалыкез утёнъя министерство.

Кун Кенешысь депутатъёс, аппаратын ужасьёс быдэс арня ӵоже дышетскизы таза улонэн эшъяськыны.

«Таза сюлэмлэн арняез» радъяз Тазалыкез утёнъя министерство. Со улсын элькун парламентын пӧртэм ужрадъёс ортчизы.  Нуналлы быдэ чузъяськизы лекциос — специалистъёс валэктӥзы валаса сиськонлэн, ӵукнаосы зарядка лэсьтонлэн, чылкыт омырын поръянлэн кулэлыксы сярысь. Ваньзэ тае парламентарийёс ас вылазы но мертазы. Кылсярысь, соослы ӵектэмын вал лифтлэсь куштӥськыны. Озьы куд-огез 8-тӥ — 9-тӥ этажъёсы но пыдын тубазы.

— Ёзвиосты кыдатон мугорлы шумпотон гормонъёсты уноятыны юрттэ, — шуиз Кун Кенешысь Тазалыкез утёнъя, демографияя но семья ужпумъёсъя ялан ужась комиссилэн кивалтӥсез Светлана Кривилёва. — Соин ик таза улонэн эшъяськись мурт ӵемгес мыня, капчи мылкыдын ветлэ.

Берпуметӥ нуналаз вань мылкыд карисьёс дышетскизы пӧртэм шуг-секытъёсты вормыны. Специалистъёс валэктӥзы: капчияк кышкатскон, керӟегъяськон мугорлы пайдаё но луэ. Со кема уг кыстӥськы ке. Нош урод мылкыдлы пуромыны уз сётэ яратоно уж, эшъёс, нош ик — чылкыт омыр, ёзвиосты кыдатон. Ваньмыз та юрттоз сюлэмлы но таза луыны.

Элина Кумачёва

Туспуктэм: www.udmgossovet.ru

 

 

 

 

Удмурт Дунне
By Удмурт Дунне 23 мая, 2016 11:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<