Цехъёс буш ӧз кыле

Удмурт Дунне
By Удмурт Дунне Май 26, 2016 14:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
industrialnyy_park_razvitie

Матысь дыре выльзэ паркез усьтыны чаклало Ижысь Вотка шоссеысь бушам юртын.

Россиысь 42 улосъёсын вань 120 индустриальной паркъёс. Соос кылдытэмын ужбергатонэз азинтон вылысь.

«Ижмаш» заводлэн вылын «Калашников» концерн кылдэм бере та предприятилэн куд-ог цехъёсыз бушазы. Производство сюбегаз, бадӟым инты басьтӥсь вашкала оборудование туалаеныз воштэмын вал. Шал-шал кылем уно сюрс квадрат метр цехъёс куашкан калэ вуысалзы, но кӧня ке ар талэсь  огкылэ вуэмын отын индустриальной парк усьтыны. Озьы элькунамы кылдӥз нырысетӥез таӵе парк — «Развитие». Мар бордын  солэн пайдаез?

— Шуом, адямилэн лэсьтэмез потэ машиналы кулэ луись детальёс, — валэктэ экономикая министр Михаил Зайцев. —  Нош производствозэ усьтыны интыез ӧвӧл. Индустриальной паркъёсын ужбергатӥсьлы площадка но, оборудование но висъяське.

«Развитие» парк усьтэмын федерал но элькун бюджетъёсысь уксёен. 49 сюрс квадрат метрын инты висъямын 32 пичи предприятиослы. Отын потто пӧртэм вуз: тылпулэсь утиськон арбериос бордысен кутскыса, обороная комплекслы кулэ луись техникаозь. «Развитие» парклэн кивалтӥсез Михаил Романов пусъемъя, та огазеяськонъёсын тырше 600-лэсь ятыр адями. Озьы ужбергатӥсьёслы но пыд вылазы возиськыны юрттӥськом, калыклы но ужан интыос кылдытӥськом. Проектъя 2024-тӥ арозь та паркын усьтыны чакламын 2 сюрс 260 ужан интыос, шуиз М. Романов.

М. Зайцев ватсаз на: та пичи предприятиос кӧня выт тыро, бӧрысь сомында ик юрттэт вуэ федерал центрысь элькун бюджетлы. Соин ик таӵе выллем паркъёслэсь лыдзэс элькунамы йылтоно. Матысь дыре выльзэ паркез усьтыны чаклало Ижысь Вотка шоссеысь бушам юртын. Малпанъёс вань соосты ёросъёсын но кылдытыны.

Елена Никитина

Удмурт Дунне
By Удмурт Дунне Май 26, 2016 14:30 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<