«Уйпал кантата» конкурсын вормизы Камбаркаысь усточиос

Удмурт Дунне
By Удмурт Дунне 13 апреля, 2016 12:54
IF

Удмуртилэсь данзэ утизы Камбаркаысь искусствоосъя школаысь нылъёс-пиос.

Санкт-Петербургын ортчем «Уйпал кантата» фестиваль-конкурсын вормизы Камбаркаысь усточиос

Та вожвылъяськон  «Мон быгатӥсько» проект чотын радъяськиз но туэ куинетӥзэ ортчиз ини. Конкурсэ пыриськизы Казахстанысь, Узбекистанысь, Комиысь, Удмуртиысь, Татарстанысь, Москва, Калининград, Волгоград, Челябинск, Кемерово но мукет улосъёсысь егит кырӟасьёс но ансамбльёс. Удмуртилэсь данзэ утизы Камбаркаысь искусствоосъя школаысь нылъёс-пиос. Соос вожвылъяськизы «Эстрада кырӟан» но «Калык кырӟан» номинациосын. Озьы вормисьёс пӧлы шедизы «Комплимент» ансамбль но Ульяна Завьялова, соос 1-тӥ степенё лауреатлэн дипломъёсыныз бертӥзы. Кыкетӥ степенё лауреат луизы Татьяна Вуколова, Мария Симанкович но  Ксения Селеткова. Та усточиосты кырӟаны дышетэ Роза Шакирова. Нош Рузалия Юсуповалэн дышетскисез Полина Михайлова Санкт-Петербургысь 3-тӥ интыен бертӥз.

Галина Савина

Туспуктэм: www.kamrayon.ru

Удмурт Дунне
By Удмурт Дунне 13 апреля, 2016 12:54