«Удмурт ныпъет» люказ Воткаысь «чигвесьёсты»

Удмурт Дунне
By Удмурт Дунне 28 апреля, 2016 13:51
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

ныпъетВотка карын кема аръёс ӵоже ужа ини «Чигвесь» клуб. Кивалтэ соин 44-тӥ номеро нылпи садысь воспитатель Галина Николаевна Перевозчикова. Люкаськыло нылкышноос пӧртэм мугъёсъя.

Таяз учыре соосты люказ «Удмурт ныпъет». Таӵе нимо ӵошатскон «Удмурт нылкышно кенешен» ӵош радъяз «Удмурт дунне» газет. Сӥземын со анайлыкез но нылпиез утёнлы, анайлэсь данзэ ӝутонлы. Воткаос «Чигвесь» клубазы малпазы улӟытыны та вашкала удмурт арбериез.

Пумиськонзылы ныпъетъёсын адӟытон дасязы. Сьӧразы вайизы олокыӵе но ныпъетъёс – куэмзэ но, керттэмзэ но, чильпамзэ но. Галина Николаевна мадиз ныпъетлэсь кылдэмзэ. Та арберилэн кулэлыкез сярысь Ижкарысь Медциная кун акдемия эскеронъёс но ортчытэм вылэм. Котькудӥз вераз ныпъетэн герӟаськем тунсыко учыръёссэс.

Куд-ог песянайёслэн мылкыдзы ӝутскиз выль ныпъетъёс вурыны. Покчи нылпиоссэс тыбыр сьӧразы нуллыны туала «слингъёслэсь» соос трослы ӟечгес. Дэмлазы: егит анайёс понна ныпъет сярысь буклет лэсьтоно.

Та ӝытэ озьы ик чузъяськизы Ашальчи Окилэн кылбуръёсыз – элькунамы угось азьланьтӥське «Лыдӟиськом Ашальчи Окиез» акция.

Матэктӥсь Быдӟымнунал азьын «чигвесьёс» вашкала удмурт «Паска шудонъёсты» но тодазы вайизы.

«Удмурт нылкышно кенеш»

Удмурт Дунне
By Удмурт Дунне 28 апреля, 2016 13:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<