«Удмурт Кенеш» потэ Можгала

Удмурт Дунне
By Удмурт Дунне Апрель 26, 2016 14:45
можга колледж

Ӵуказе Т. Борисовлы сӥзем синпелетэз сӥё-дано усьтозы.

27-тӥ оштолэзе «Удмурт Кенешлэн» исполкомез потэ Можга ёросэ. Отын трос пӧртэм ужрадъёс чакламын.

Нырысь ик, кенешчиос пумиськозы дышетӥсьёсты дасянъя Трокай Борисов нимо колледжысь ужасьёсын. Котырес ӝӧк сьӧрын соос вераськозы удмурт кадръёсты дасян сярысь. Уго удмурт съездын тросэз азьветлӥсьёс мылкыдзэс шараязы: уг тырмо удмурт кылъя но литературая дышетӥсьёс! Нош шаерамы та ужпумез сэрттӥсь-пертчисьёс трос ӧвӧл. Валтӥсьёсыз пӧлын — Удмурт кун университетысь Удмурт кылосбуръя, финно-угроведениея но журналистикая институт но Можгалась дышетӥсьёсты дасянъя Т. Борисов нимо колледж.

Та нуналэ ик колледджын ортчозы Ашальчи лыдӟонъёс. Та ужрадын Ашальчи Оки нимо йӧскалык премиез сӥё-дано сётозы. Тодады вайытӥськом, удмуртлыкез ӝутон бордын гижысь-пиньысь ужамзы понна Ашальчи Оки нимо премиен туэ пусъемын «Удмурт нылкышно  кенеш» огазеяськонлэн кивалтӥсез Надежда Степанова но Кияса ёросысь азьветлӥсь Марина Морякова.

Можгаысь педколледжлы Трокай Борисовлэсь нимзэ 2003-тӥ арын сётӥзы ни. Нош дано югдытӥсьлы синпелет Можгаын ӧй вал на. Ӵуказе Т. Борисовлы сӥзем синпелетэз сӥё-дано усьтозы.

«Удмурт Кенешлэн» исполкомезлэн Можга ёросын ужан радлыкез:

10. 00 – 11. 14 Можга ёрослэн йырыныз А. Шишовен пумиськон.

12.00 – 12.45 Педколледжысь ужасьёсын пумиськон.

13.00 – 13.30 Ашальчи Оки нимо йӧскалык премиез сётон.

13.30 – 14.00 Педколледж азьын Т. Борисовлы сӥзем синпелетэз сӥё-дано усьтон

14.00 – 16.00 Бадӟым Сибыысь «Дун-чылкыт (вӧсь) ошмес» сюрестӥ ортчон.

Мария Векшина

Удмурт Дунне
By Удмурт Дунне Апрель 26, 2016 14:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<