«Удмурт дуннеысь» иворчиос визь сынан «Шудкомын» азвесь интые потӥзы

Удмурт Дунне
By Удмурт Дунне Апрель 29, 2016 14:21
ygj-LmFhc3w

Таӵе кружкаос сётъязы вормисьёслы.

Толон визьбуръя «Шудком» клублэн нырысетӥ шудонэз ортчиз. «Удмурт дунне» газетлэн командаез басьтӥз 2-тӥ инты.

Вожвылъяськыны капчи ик ӧй вал – 27 юан бордын малпаськонъя киос ик пӧсязы. Ӝӧкъёс сьӧрын пукиз 9 команда. Шумпотымон, студентъёс, удмурт азьветлӥсьёс сяна, шудонэ вуизы Историяя, кылъя но литературая удмурт институтысь тодосчиос, «Удмуртия» ГТРК-ысь иворчиос, лулчеберет удысысь ужасьёс.

Кызьы вера «Шунды» огазеяськонлэн тӧроез Ольга Тронина, та проектлэн огез ужпумез – со пӧртэм арлыдэн адямиосты огазе люкан, горордысь удмуртъёслы малпаськон-кенешон инты кылдытон.

Шудонын, котьмае тодэм сяна, кулэ луиз радызъя малпаськыны быгатон, зол юрттӥз  улон шоры паськыт учкон. Соин сэрен но, луоз, иворчиос трос юанъёслы шонер валэктонъёс сётъязы.

Нырысетӥ инты басьтӥз удмурт культурая «Дэмен» огазеяськон. Отысь визьлюкъёс мылысь-кыдысь пырисько ӟуч «60 секунд» шудонэ. Кызьы асьсэос верало, та ик соослы вормыны юрттӥз.  Соослэсь 2 очколы кылиз «Удмурт дунне» газетлэн командаез. Куинетӥ луизы «Удмуртия» ГТРК-ысь иворчиос.

Шудон ортчылоз толэзьлы быдэ, оскыто радъясьёс — егитъёслэн «Шунды» огазеяськонзы, Йӧскалык политикая министерство но «Дэмен» огазеяськон.

«Удмурт дунне» газет дэмла лыдӟисьёслы но малпаськыны юанъёс вылын. Газетлэн вуоно номераз соос сётэмын луозы.

Мария Векшина

Туспуктӥз Н. Дмитриева

Удмурт Дунне
By Удмурт Дунне Апрель 29, 2016 14:21
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<