Тодмо луизы Герберлэн пусъёсыз

Related Articles

• Сяськаосме сектасько чаен
• «Ингож» бичетэн тодматскон: литература улэп луыны кулэ
• Удмуртиын пыӵатыны кутскоз экспортной стандарт

19-тӥ оштолэзе Эшъяськон юртын ортчиз  Герберез дасянъя комитетлэн кенешез. Кенеше люкаськемъёс трос юанъёсты ӝутӥзы.  

Та дырозь тодмо вал: Гербер шулдыръяськон ортчоз 18-тӥ инвожое. Но со нунал  тупа Тройча азьын кулэмъёсты бере ваён нуналэн. Соин ик шулдыръяськонэз 25-тӥ инвожое ортчытыны малпамын.  Сюмси ёрослэн йырызлэн воштӥсез Л. Даровских верамъя, таӵе воштонъёслы калык пумит ӧвӧл. Тодады вайытӥськом: туэ Гербер ортчоз Сюмси ёросысь Бабъя гуртын.

Озьы ик ӝутэмын вал площадкаослэсь нимъёссэс воштон сярысь юан. Герберлэн валтӥсь режиссёрез П. Поздеев ӵектэ соосты писпу нимъёсын герӟаны. Угось, шулдыръяськон герӟаськемын луоз удмуртъёслэн яратоно писпуосынызы — кызьпуэн, кызэн но пужымен.

Герберысь адӟыны луоз вашкала удмуртъёслэн улонзылэсь 3 палзэ: вӧсяськон, шулдыръяськон но музъем ужъёсты данъян.

udm.minnac.ru