Писательёслэн «Вунонтэм полксы» ортчоз Иж кузя

Удмурт Дунне
By Удмурт Дунне 27 апреля, 2016 13:58
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

полкУдмуртиысь Писательёслэн огазеяськонзы, Быдӟым Вормонлы сӥзьыса, выль акция радъяны малпа. Со нимаське «Удмуртиысь писательёслэн Вунонтэм полксы».

Акция сӥземын  фронтэ ветлэм удмурт писательёслы. Быдӟым ожын соос кышкатэк ожмаськизы, Атыкай музъеммес утизы. Ойдолэ тодамы ваём соослэсь секыт война аръёслы сӥзем чуръёссэс. Ыстэлэ милемлы фронтовикъёслэсь кылбуръёссэс, лэсьтэлэ видеокылбуръёс, гожъялэ соослэн творчествозы сярысь эссеос.

Ми возьмаськом котькуд иворез «ВКонтакте» мерлыко вотэсын усьтэм «Удмуртиысь писательёслэн Вунонтэм полксы» группаын. Отысь али шедьтыны луоз ни та темаен герӟаськем пӧртэм материалъёсты, туспуктэмъёсты, кылбуръёсты, веросъёсты, тодэ ваёнъёсты. Пыриське та группае, вералэ мылкыдъёстэс, ыстэ материалъёстэс.

Ачиз акция радъяськоз 13-тӥ куартолэзе Ижын. Люкаськоно 13 часын Пастухов урамысь 13-тӥ юрт доры. Собере оже ветлэм удмурт писательёслэн портретъёсынызы вамыштом Ленинлэн синпелетэз доры. Отын луозы на шара лыдӟонъёс. 0+

Богдан Анфиногенов

* * *

Оло куинь уй, оло ньыль уй

Ӧм кӧлэ ни, вунэтӥ.

Зурка музъем, пазяське сюй —

Вамыштӥськом тыл пыртӥ.

 

Сьӧд убир тон, каргам убир,

Саптад Россей музъеммес.

Кӧня городъёсмес сутӥд,

Быдтӥд узыр гуртъёсмес!

 

Сюрсэн калык ошылэмын,

Ыбылэмын тӥледын.

Ведь со ваньмыз милям визьмын,

Ваньмыз сюлме пыӵамын.

 

Берыктомы ваньмыз понна

Урмем Гитлер армилы,

Оскы, калык, оскы, страна,

Котьку оскы милемлы.

 

Филипп Кедров.

1944-тӥ ар 19-тӥ март

Удмурт Дунне
By Удмурт Дунне 27 апреля, 2016 13:58
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<