Кандидатэ кандидатъёс пусъемын

Удмурт Дунне
By Удмурт Дунне 21 апреля, 2016 14:00

Туэ сӥзьыл Кун Думае шедён понна «Огъя Россия» партия аслэсьтыз кандидатъёссэ кык полэс сӥсъя. Кандидат луон понна ӵектэм но ӵектӥськись муртъёс нырысь 22-тӥ мае азьлапал (предварительной) куара сётонын вормыны кулэ.

дбаты

Дебатъёсы пыриськизы А. Гальцин, А. Загребин, А. Исаев.

10-тӥ апреле йылпумъяськиз азьланяз Кун Думае ӵектон вылысь кандидатъёсты пусъён — Удмуртиын соос 27 кузя люкаськизы.

Кандидатэ кандидат луыны быгатэ вал Россилэн гражданинэз, солы 21 арес вань ни ке, ӧвӧл ке кунгож сьӧрын коньдонэз, судимостез. Озьы ик со луыны кулэ «Огъя Россия» партилэн членэз яке солы дурбасьтӥсь (сторонник). Партиен ӵектэмъёс сяна, вань асьсэды асьсэос ӵектӥсьёс но.

Табере кандидатъёс одно пыриськыны кулэ эчешонъёсы (дебатъёсы). Ичизэ — быдэн 2 пол. Удмуртиын ортчизы ни коррупциен, гурт удысэн, калыклэсь тазалыксэ утёнэн, дышетонэн герӟаськем темаослы дебатъёс. Кылем кӧснуналэ, 9-тӥ апреле, дебатъёсы тужгес трос кандидатъёс пыриськизы. Гурт удысэз азинтон но асьмелы тырмыт сиён-юон поттон сярысь асьсэлэсь малпанъёссэс веразы Кун Кенешысь депутат Елена Чиркова, Кун Думалэн Тќроезлэн воштӥсез Андрей Исаев, гражданъёслэсь правооссэс утёнъя общественной движенилэн кивалтӥсез Дмитрий Кочуров, Россиысь калык хозяйствоя но кун службая академилэн Ижысь ёзэзлэн директорез Алексей Шепталин. Елена Чиркова аслаз азькылаз вераз: гурт удысысь огъя югдурез тупатон понна ӟечгес радъяно сиён-юон поттӥсьёслы субсидия висъянэз. Магазинын йӧллы дун закупочной дунлэсь 2 но ӝыны поллы бадӟымгес ке — шонер-а со? Озьы луыны кулэ ӧвӧл. Сотэк гуртоос ноку но уз азинске, шуиз со. Со сяна, санкциос шоры учкытэк, Россие ялан вуэ ай йӧллэсь урод сиён-юон. Калык сое басьтэ, малы ке шуоно дунтэм, нош ӟечлыкез сярысь уг малпаськы, нош отын лачак пӧртэм ватсэтъёсыз, будос вӧйёс но мар. Нӧкы вӧйысь, утчад ке, скал вӧйзэ ик уд шедьты. Рос-просгес кутсконо ужасьёсты дасян борды. Со понна азинтоно гуртэз. Вань ке отын нылпи сад, школа, шутэтскон инты, егитъёс кылёзы, нош али ужаны нокинлы…

Тунсыко ортчизы та нуналэ мукетъёсыз но дебатъёс. Калыклы юрттэт сётон, дышетон, тазалыкез утён пумысен трос юанъёс кылдэмын. Таиз пумысен вераськизы шаерысьтымы инвалидъёслэн огазеяськонэнызы кивалтӥсь Максим Воробьёв, элькун Тӧролэн но Правительстволэн администрациенызы кивалтӥсь Андрей Гальцин, Историяя, кылъя но литературая Удмурт институтлэн директорез, профессор Алексей Загребин, Кун Думалэн Тӧроезлэн воштӥсез Андрей Исаев, Удмурт кун университетлэн ректорез Галина Мерзлякова.

Калыкез туж шугъяськытэ гуртъёсын эмъюрттэт сётон. Югдурез тупатон вылысь ужа кадь «Гуртысь эмчи» программа, но солэн пайдаез шӧдскымон ӧвӧл на, угось егитъёс уксёзэ басьто, нош йӧскадь ужаса уг вутто, выльысь городэ пегӟо. Соин та программае воштонъёс пыртоно, малпа А. Исаев.

— Миллионэз соку ик сётыны уг яра, коньдон юрттэтэз ватсано ужам стажзыя, — шуиз со.

А. Исаев озьы ик дурбасьтӥз асьме Кун Кенешлэн анай капиталысь коньдон кутонэз паськытатонъя кичќлтонэзлы — кылсярысь, соин газ кыскыны лэзьыны.

Туж шумпотымон, чузъяськизы национальной политикаен герӟаськем юанъёс но. Алексей Загребинлэн дурбасьтӥсез Т. Ишматова та пумысен юан сётӥз А. Исаевлы. Москваысь адями шуиз: Россия котьку возиськиз трос выжы калыкъёсызлэн культуразы вылын, талы азьланяз но нимысьтыз саклык висъяськоз, угось, котькудзэ гажаса гинэ, быгатом эшъяськыса улыны, кунмес кышкытлыклэсь утьыны. А. Загребинлэсь озьы ик юазы: мар тӥ кароды, шаерамы удмуртлык мед азинскоз шуыса? Алексей Егорович шуиз: удмурт кылэз берыктоно школаосы, паськытатоно инвисъёсты. Туннэ Удмуртилэн шоркараз 650 сюрс адями улэ, пӧлысьтыз 30 процентэз — удмуртъёс, нош удмурт школамы одӥг гинэ! Тани мон ачим удмурт ке но, англи кылэз удмуртэзлэсь ӟечгес тодӥсько, малы ке шуоно будон вакытам Ижын вал англи кылэз муромытыса дышетон школаос, нош удмуртэз чик ӧй вал. Туала пиналъёслы сыӵе луонлык одно сётыны кулэ!

Туж висьытӥсь но тунсыко юан вал уждун пумысен — али Россиын пичиез уждун (МРОТ) улыны чидамон (прожиточной) минимумлэсь ичи. Пыртозы-а депутатъёс тая воштонъёс Ужъя кодексэ? А. Исаев оскытӥз, сыӵе воштонъёс луыны кулэ шуыса. Россиын пичиез уждун будыны кулэ ни туэ кыкетӥ паларе ик.

— Нош мар кароно, университетэз быдтэмъёс специальностьсыя мед ужалозы шуыса? — юазы Галина Мерзляковалэсь. Ректор шуиз: берыктоно распределение амалэз.

Мон но соглаш: бюджет чотын дышетскид бере — берыкты кунлы пунэмдэ, ужа кӧня ке ар ке но быръем удысэдъя. Уг поты — дун тыр но котьма кар.

Дебатъёс кыстӥськозы 15-тӥ маёзь. Котькудзэ учкыны луэ pg.er.ru сайтысь.

Зинаида Рябинина

 

 

 

 

Удмурт Дунне
By Удмурт Дунне 21 апреля, 2016 14:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<