Искусствоосъя школае вуылӥзы шаерысьтымы тодмо крезьгурчиос

Удмурт Дунне
By Удмурт Дунне 29 апреля, 2016 12:15
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
P1040703

Та ӝытын дано крезьгурчиос нылпиослы но егитъёслы берло гожтэм крезьгуръёссэс шудӥзы.

Ижысь искусствоосъя элькун школаысь пиналъёс доры куное вуылӥзы шаерысьтымы тодмо композиторъёс — Е. Копысова, А. Корепанов но Ю. Толкач.

Искусствоосъя школаын таӵе ужрадъёс шер ке но туж тунсыко ортчыло. Та ӝытъёсын пиналъёс тодматско дано крезьгурчиосын, нош композиторъёс, пиналъёслэсь творчесвтозэс адӟыса, выль произведениоссы борды выль мылкыдын кутско.

— Милям «личной» крезьгурчимы — Е. Копысова, — вера пиослэн  «Ингур» капеллазылэн кивалтӥсез В. Митрофанов. — Солэн «Пумиськон» кырӟанэз котьку мылкыдэз ӝутэ, зор куазен инбаме шундыез поттэ кадь. Нош потэ ке дышетэмды удмурт кылэз, кылзӥське солэсь англи-удмурт-ӟуч кылъёсын гожтэм кырӟанзэ.

176 ар талэсь азьло 7-тӥ куартолэзе Воткинскын вордӥськиз быдэс дуннелы тодмо луэм П. Чайковский. Удмуртиысь крезьгурчиослэн «атайзы» вал ӝытын но — солэн партретэз ошиськиз борддорын, солэсь крезьгурзэ быдэстӥзы пиналъёс.   Кылсярысь, Сьӧлталась Надя Широбокова флейтаен шудӥз П. Чайковскийлэсь «Сладкая грёза» крезьгурзэ. Нылаш вера, П. Чайковский солэн яратоно крезьгурчиез.

Та ӝытын дано крезьгурчиос нылпиослы но егитъёслы берло гожтэм крезьгуръёссэс шудӥзы. Ю. Толкач инкуазез данъям. Солэсь крузьгурзэ кылыса, син азе пуксё нюлэскын ӵукна поръян, пелез вешало тылобурдоослэн чирдэмзы.

P1040705

Ужрадэ пыриськизы пиналъёс но, крезьгурчиос но.

— Крезьгур коткытын улэ, сое кылыны гинэ кулэ, нош инкуазь куараос — вань крезьгуръёслэн инмарзы, — итӥське Ю. Толкай П. Чайковскийлэн кылъёсыз борды. — Соин ик инкуазьлы сӥзем крезьгур бичетэ но нимаське «Крезьгур котьку тонэн».

П. Чайковскийлэн пиналъёслы бичетэз А. Корепановлэсь мылкыдзэ ӝутэм «Паровозик», «Школае сюрес» но нылпиослы сӥзем мукет 20 пьессаоссэ гожтыны.

Нылпиослэсь сюлэм гурзэс вала Е. Копысова. Г. Остерлэн кылбуръёсызъя гожтэм задор крезьгуръёсыз лӧпкытӥзы нылпиосты. Кичабонъёс зал тыр чузъяськизы!

Мария Векшина

Туспуктэмъёс: Ижысь искусствоосъя элькун школа

 

Удмурт Дунне
By Удмурт Дунне 29 апреля, 2016 12:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<