«Ингож» семинар: Зумыт шукы

Удмурт Дунне
By Удмурт Дунне 21 апреля, 2016 14:25
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
ингож1

Прозаез бырйизы 5 егит гожъясьёс: Н. Кириллова, Ю. Турова, А. Бурдина, А. Шкляева, Н. Михайлов.

Пӧрме-а, уг-а, но тросэз пиналъёс, егитъёс литература удысэ нырысетӥ вамышъёссэс кылбур чуръёс бордысен кутско. Соин но шумпотымон, прозая секцие пыриськыны мылкыд карисьёс вал шуыса.

Прозаез бырйизы 5 егит гожъясьёс: Н. Кириллова, Ю. Турова, А. Бурдина,  А. Шкляева, Н. Михайлов. Пӧлысьтызы тужгес пиналэз — Пичи Пурга ёросысь Шоринь Юри школаысь 9-тӥ классын дышетскись Наташа Кириллова, мукетъёсыз тодон-валан басьто Удмурт кун университетысь Удмурт кылосбуръя, финно-угроведениея но журналистикая институтын — кин журналистэ, кин филологе дышетске. Но ваньзэсты соосты огазея литератураез яратон, книгаосын эшъяськон. Ужъёсазы  вань асьсэлы гинэ тупась гожъяськон амалзы.

Ваньзылэн ик та эшъёслэн асьсэлэсь кужымзэс кылбуран удысын эскертэмзы вань. Тани Анна Бурдина туэ пыриськиз «Шунды» огазеяськонлэн «Куарагур» вожвылъяськоназ. Вормисе потыса, луонлыкез кылдӥз кылбур бичет поттыны, со лыдӟисьёс доры ӝоген вуоз. Анялэн быгатонлыкъёсыз вань прозаен но гожъяськыны. Геройёсыз пӧлын нылпиос но, егитъёс но, арлыдоос но. Кызьы ачиз Аня шуэ: кылтӥрлыкъя шугъяськонъёсы сокем бадӟымесь ӧвӧл,  малпаськон ӧре паськыт, соин но гожъяме мадён выллем пӧрме.

Аслаз малпаськон дуннееныз паймытэ Николай Михайлов. Солы матын фэнтези жанр. Мылкыдыз куриське верослэсь вылэгес ӝутскыны. Аслаз верамезъя, вакчи гожъяськыны секытгес йӧтэ, пе. Егит муртлэн геройёсыз лыдӟисез валто асьсэлэн кылдытэм дуннеязы. Михайловлэн тросэз ужъёсыз печатласькизы ни егитъёслэн «Дарт» газетазы, кылем арын «Ингожын» потӥз «Люгымурт» веросэз. Гожъяськон удысын аслэсьтыз сюрессэ пияш бырйиз ни, малпасько.

Александра Шкляевалэн но аслэсьтыз мылкыдъёссэ ӧръямез потӥз веросъёс пыр. Эгра ёросысь нылаш школаын удмурт кылэз дышетымтэ, соин но кылтӥрлык ласянь солы гожъяськон шугенгес сётӥське. Но мылкыдыз бадӟым, малпаськон дуннеез но аспӧртэм. Юлия Турова семинаре пыриськиз  литература удысэ вамыштон понна. Спортэн эшъяськись нылаш мылкыдъёссэ но малпанъёссэ али дневниказ кисьтэ, Интернетын аслэсьтыз блогзэ нуэ. Оло,  спортэн герӟаськем веросъёсыз но ӝоген кылдозы. Та семинарлэн одӥгез шедьтонэз вал, дыр, Наташа Кириллова. Кылбуран мылкыдын лыктыса, школаын дышетскись нылаш прозалы синмаськиз. Ачиз но синмаськытӥз  огшоры но аспӧртэм гожъяськеменыз, вольыт кылыныз.

Семинар возьматӥз, удмурт литературае выль тулкым йыгаське. Со зэмос ӧрлы мед пӧрмоз шуыса, шукызэ но кожъёссэ егит гожъяськисьёс асьсэос синйылтыны, шӧдыны кулэ. Нош кыл шӧдонзы вань бере, быгатонлыксы гожъяськемзыя лыктоз.

Лия Малых

Туспуктӥз А. Горбунов

Удмурт Дунне
By Удмурт Дунне 21 апреля, 2016 14:25
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<