Элькун Гербер ортчоз Сюмси ёросын

Удмурт Дунне
By Удмурт Дунне 11 апреля, 2016 12:53
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
070114,Гербер,национальность,костюм,удмурты,традиция,обычай

Лэсьтӥськон ужъёслы 20 миллион манет кулэ.

Сюмси ёросын туэ гужем Гербер ортчоз, нош 2017-тӥ арын — гурт спортсменъёслэн гужем шудонъёссы.

Та арня вискын Сюмсие вуылӥз Удмурт Республикалэн Тӧроез Александр Соловьев но лэсьтӥськон ужъёслэсь мынэмзэс эскериз. Гурт шудонъёслы дасяло Сюмсиысь культурая юртэз но шор ёзо школаез. Кылем арын та юртъёсысь укнооссэ вошъязы, сьӧросъёссэ тупатъязы. Азьланяз шор ёзо школалэсь выж пулъёссэ выльдоно. Сюлмаськытэ культурая юрт: липетысь ву ӟизамен, секыт омыр возиське.

Лэсьтӥськон ужъёслы 20 миллион манет кулэ. Александр Соловьев верамъя, та дырлы 4 миллион манет висъямын ни. Пумиськон дыръя ик школа стадионэз тупатъян но мугор кыдатон комплекс пуктон сярысь кенешизы.

Гурт шудонъёслы дасяськемез эскерем сяна, Гербер сярысь но вераськизы. Удмуртъёслэн шулдыръяськонзы ортчоз Гуӵин (Ӟуч Пӧбъя) гурт котырын.

«Удмурт дунне»

Туспуктӥз А. Горбунов

 

 

 

 

 

 

 

Удмурт Дунне
By Удмурт Дунне 11 апреля, 2016 12:53 Updated