Егитъёслэн юртазы ортчоз «Дукес» группалэн концертэз

Удмурт Дунне
By Удмурт Дунне Апрель 7, 2016 09:51

дукес7-тӥ оштолэзе Егитъёслэн юртазы ортчоз «Дукес» фолк-группалэн концертэз. Сцена вылысен выль сямен чузъяськозы вашкала удмурт кырӟанъёс.

«Дукес» фолк-группа кылдӥз 2014-тӥ арын. Отчы пыро «Эктон корка» студиысь эктӥсьёс- кырӟасьёс Таня Тихонова но Лилия Леонтьева, удмурт инструментъёсты лэсьтӥсь, кубызчи Евгений Бикузин.

— Ми куке но студентъёс вал, ветлӥмы «Чипчирган» ансамбле, — шуо егитъёс. —  Отын дышетским кырӟаны, эктыны, шудыны кубызэн. Малы кылдӥз милям группамы? «Чипчирганын» ми кырӟам озьы, кызьы калыкын кырӟало. Нош «Дукесын» — кызьы асьмелэн мылкыдмы куре.

Нош мылкыдзы та егитъёсэн котьку крезьгуръя шудэ. Куддыр бичаськозы чай юыны но кырӟан лэзёзы. Женя Бикузин поттоз ас лэсьтэм кубыззэ но кутскоз кысканы солэсь сиоссэ.

Али «Дукес» группа мылысь-кыдысь пыриське пӧртэм концертъёсы. 2 ар куспын со шедьтӥз ни аслэсьтыз кылзӥсьсэ.

— Репертуарамы пӧртэм интыосын улӥсь удмурт калыкалыклэн кырӟанъёсыз: уйпалэз но, бигер удмуртъёслэнэз но сюре, но тросэз лымшор пал удмуртъёслэн кырӟанъёссы. Ми асьмеос но лымшор удмуртъёс, — вера Татьяна Тихонова.

Кырӟанъёс сяна, концертын луозы эктонъёс но. Учкисьёслы мӧзмыны уз кылды!

Удмурт Дунне
By Удмурт Дунне Апрель 7, 2016 09:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<