Анна Бурдина «Гочатыса» кылбур бичетсэ поттӥз

Удмурт Дунне
By Удмурт Дунне 26 апреля, 2016 10:56

гочатысаИжысь Эшъяськон юртын 27-тӥ оштолэзе 18.00 часын кутскоз егит кылбурчилэн Анна Бурдиналэн «Гочатыса» кылбур бичетэныз тодматскон ӝыт.

Егит авторлы кылбур бичет поттыны луонлык сётӥз «Шунды» огазеяськонлэн «Куарагур» проектаз пыриськон. Анна Бурдина отын тужгес усто кылбурчиен лыдъямын вал. Солэн «Гочатыса» кылбурезъя Дэбес ёросысь егит усточи Анна Образцова  крезьгур гожтӥз. Кырӟанэз быдэстӥз Кузебай Герд нимо гимназиын дышетскись Евгения Аркова.  Али Анялэн кылбуръёсызъя трос кырӟанъёс гожтэмын ни. Кылзӥсез шумпоттэ «Пужмер» группалэн «Атай» кырӟанэз. Юромо та ӝытлы Алнаш ёросысь Анастасия Иванова «Мон гуртам куно гинэ на»  но «Гуртэ» кылбуръёслы гур гожтӥз. Та кырӟанъёс пумиськонын чузъяськозы.

«Гочатыса»  кылбур бичетэ пыремын 29 кылбуръёс.

— Кылбур бичет поттон — со улонам тужгес бадӟым учыр, сое мон ӵошатысал школаез йылпумъянэн, — вера Анна Бурдина. — Али мон азьын усьтӥське выль сюрес. Малпасько, азьланяз кылбуръёсы уноялозы, гожъяськон мылкыды уз сӥя. Со сяна, кутӥсько на проза борды, малы ке шуоно «Удмурт дунне» газетэн радъям «Ингож» семинаре ветлэме бере веросъёс кылдытъян туж тунсыко потӥз.

Анна Бурдина вордӥськиз Алнаш ёросысь Усо гуртын. Али журналистлы дышетске Удмурт кун университетын, мылысь-кыдысь пыриське удмурт литературалэн улоназ. Солэн творчествояз шӧдӥсько гуртлэсь мӧзмон, матысь адямиосыз яратон мылкыдъёс.

Удмурт Дунне
By Удмурт Дунне 26 апреля, 2016 10:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<