Зинаида Рябинина: Адями (калык) эрико луэ, куке солы луонлык сёто но уг люкето ке

Удмурт Дунне
By Удмурт Дунне Март 31, 2016 09:04

 рябининаЗинаида Рябинина, валтӥсь редактор:

Кылем арня пумын Ижын ортчиз туала фин-угор движениен герӟаськем юанъёсты сэрттон-пертчонлы сӥзем котрес ӝӧк. Кенешонэз ортчытыны кичӧлтонэн  потӥз Кун Кенешысь ялан ужась комиссиен кивалтӥсь Энвиль Касимов.

Кызьы астэ возёно туннэ кылдэм югдурын кунгож сьӧрысь ӵыжы-выжыосынымы азьло сямен ик тупаса-эшъяськыса, но со дыре ик йыбыртъятэк улон понна? Та юанлы валэктон утчазы тодмо удмурт азьветлӥсьёс Татьяна Ишматова, Алексей Загребин, Леонид Гонин но мукетъёс.

Кытысь потӥз таӵе шугъяськон?  Туэ  тулыспалэ  ортчем Бадӟым ӧтчам бере Финляндиысь журналист Оливер Лооде (валамон ини, асьмелэнъёсыз юрттэмен, со ачиз съездын ӧй вал ук) удмуртъёсты ултӥяны вырись статья поттӥз, со туж ӝог вӧлмиз Интернетэ. Вань ӵашетон потӥз гужем Финляндиын ортчоно конгрессэ  мынӥсьёслэсь лыдзэс кулэстэм бордысен — удмурт съездын решение кутэмын вал квотая висъям 20 мурт интые 5-сэ гинэ келян сярысь, малы ке шуоно со укыр дуно усе. Малы бен со туж шугъяськытэ сьӧрлось журналистэз, удмуртъёсты сьӧд нуналэн кышкатэ? «Удмурт Кенешлэн» тӧроез Татьяна Ишматова лыдъя, та учыр политикаен герӟаны выремын.

— Вуиз ни сыӵе дыр, куке ми ӵыжы-выжы бускельёсмылы шара вераны кулэ: ми дунъяськом тӥледын кусыпъёсмес, но тырмоз милемды дышетыны, ми понна бырйыны! — шуэ Татьяна Витальевна.

Зэм, котрес ӝӧке пыриськисьёс соглаш соин: фин-угор кусыпъёс культураысь но дышетонысь кемалась выжизы ни политикае, озьыен, сое адӟытэк кельтыны уг яра ни. Озьыен, будэммес возьматоно, шонер политика нуыса, азинсконъёсмы сярысь дунне тыр шара  ивортыса, кызьы лэсьтӥзы Брангуртысь песянайёс.

Татын валаны кулэ: нокин но уг вераськы ог-огедлэсь палэнскон сярысь. Кунгож сьӧрысь ӵыжы-выжыосмы зэм но туж  юртто  кылмес, культурамес азинтыны, но со, оскем потэ, мыкыръяськытон понна ӧвӧл. Мукет ласянь, асьме дорын асьме кивалтӥсьёс кулэен уг лыдъяло ке анай кылын литератураез, дышетонэз азинтонлы тырмымон коньдон висъяны, амал ӧвӧл йыбыртъятэк но тау карытэк. Адями (калык) эрико луэ, куке солы  луонлык сёто но уг люкето ке.

Удмурт Дунне
By Удмурт Дунне Март 31, 2016 09:04
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<