«Выжыоссэ утись» — Эгра ёросысь Сундур гуртысь Нина Ившина

Удмурт Дунне
By Удмурт Дунне 15 марта, 2016 11:32
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
DSC09918

Эгра ёросысь Сундур гуртысь Нина Леонидовна Ившина.

«Гурт адями» конкурслэн «Выжыоссэ утись» номинацияз туж тупа Эгра ёросысь Сундур гуртысь Нина Леонидовна Ившина.

Нина Леонидовна вордскемын Эгра ёросысь Тупал-Пурга гуртын. Мумиз быдэс улонзэ школаын дышетӥз, нош бубиз, Быдӟым ожысь улэпкын бертыса, колхозын механизатор луыса ужаз. Нина, анаез сямен, тодон-валан дуннее кыстӥськиз. Бадӟым Пурга гуртысь 8 классъем но Зураысь шор ёзо школаосты йылпумъяса, дышетскыны пыриз Ижысь 40 номеро школа бордын кылдытэм пионервожатойёсты дасянъя курсъёсы. 1968-тӥ арысен 1975-тӥ арозь со вал Эграысь 1 номеро школаысь пионервожатой. Вунонтэм кылизы походъёсы ветлон, макулатура бичан, колхоз бусыын тыршон.

Калыкен огкыл шедьтыны быгатэмзэ ӝог синйылтӥзы. Сундурысь «Россия» хозяйстволэн администрациез, гуртысь егитъёс куремъя Нина Ившина выль пуктэм клубен кивалтыны ӧдъяз. Отын тыршиз 27 ар ӵоже. Кылдытӥз «Ӟардон» фольклор ансамблез. 1985-тӥ арын со калык ансамбль луиз. Ӟеч тыршемез понна Нина Ившина 1986-тӥ арын пусъемын «Удмурт Республикаысь культура удысысь дано ужась» нимын. Со вакытэ ик Ившина йылпумъяз Ижысь культурая училищеысь режиссёръёсты дасянъя отделениез.

1996-тӥ арын Сундурысь удмурт культурая центрен кивалтон борды басьтӥськиз. Вань сюлмыныз тыршиз Эгра ёросын удмуртлыкез утён но азинтон понна. Солэн ки улысьтыз потэм кичӧлтонъёс-конкурсъёс али ке но пыӵало Эгра ёросын, отчы шумпотыса пыриське уно калык. Нина Леонидовналэн нимыз трос пол пыртылэмын Эгра ёрослэн Данъян пул вылаз, нош удмуртлыкез утемез понна пусъемын «Удмурт Кенеш» огазеяськонлэн таукаронэныз.

Пенсие потыса но, Нина Леонидовна тэк пуконэз уг тоды. Со сярысь гажаса верало: гуртлэн улэп энциклопедиез! Сундурысь калыкез со вить чиньызэ кадь тодэ, озьы гуртлэсь выжы писпузэ кылдытӥз: отысь котькуд адями шедьтыны быгатоз аслэсьтыз ӵыжы-выжыоссэ, семьяезлэсь кытысь кылдэмзэ. Ваньмон дыр шедьтыкуз, Нина Леонидовна я книгаосын, я архивъёсын бугыръяське: гуртоосыз сярысь мургес тодэмез потэ. Йылозяз-пумозяз вуттӥз ни гуртысь спортсменъёслы сӥзем книгазэ но: табере соослэн нимъёссы пыраклы гожтыса кельтэмын.

Н. Ившина кадь удмурт выжыоссэ утись, калык понна сюлмаськись адямиез уд шедьты ни!

Эгра ёросысь Сундур гуртын улӥсьёс

Удмурт Дунне
By Удмурт Дунне 15 марта, 2016 11:32 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<