Выль кылъёслы сӥзем вебинар ортчоз Ижын

Удмурт Дунне
By Удмурт Дунне 15 марта, 2016 10:11

вылькылТуннэ 14.30 часын  Удмурт кун университетлэн библиотекаяз ортчоз вин-угор кылъёсын неологизъёслы сӥзем вебинар. Котькудӥз сое Интернет пыр адӟыны быгатоз.

Улон азинске, арысь аре кылдо выль кылъёс. Палэнэ уг кылё фин-угор кылъёс но. Удмурт кыллюкамез узырмытон понна,  кылсярысь, 2013-тӥ арын ортчытэмын вал «Малпа выль кыл» акция. Но жаляса верано, тросэз выль кылъёс улонэ уг пыӵало. Юромо кылдытэм комиссия малпа экономикаен, политикаен герӟаськем кылъёсты, но соос кутӥсько газет-журналъёсын, чеберлыко литератураын гинэ. Огшоры калык соосты вераськоназ уг куты, угось вылез – валантэм.

Кыӵе кылъёс пыро вераськонэ? Мар кароно соосты вӧлмытон понна? Вань та ужпумъёс ӝутэмын луозы туннэ вераськонын. Пӧртэм улосвылъёсысь ӧнерчиос мадёзы, кызьы соос асьсэ калык пӧлын выль кылъёсты вӧлмыто. Кыӵе амалъёсты та понна куто Марий Элын, тодэ Людмила Карпова, Карелиын – Наталья Ишкина. Адӟем карымон та ласянь Финляндиысь эшъёсмылэн политиказы. Угось соос уг кышкало выль кылъёсты малпалляны но соосты улонын кутыны, сотэк фин кылэз жагтоз зол азинскись англи кыл. Со сярысь вералоз Финляндиысь Томи Койвунен.

Вотэсын меӵак эфирез адӟыны луоз та чӧлсконъя: udsu.adobeconnect.com/_a885089189/finno/

«Удмурт дунне» газетэз но висьытэ та ужпум. Ӵуказе 17.30 часын Удмурт кун университетын ортчоз кылосбур батл. Вожвылъяськон ортчем сяна, та ужрадын ӝутӥськозы пӧртэм  юанъёс. Кызьы валамон гожтыны официальной иворъёсты?  Кызьы удмурт кылэ берыктыны экономикаен, политикаен герӟаськем нимкылъёсты? Ужрадэ пыриськозы университетысь кылчиос, литературоведъёс, ивор вӧлмытӥсьёс.

«Удмурт дунне»

 

Удмурт Дунне
By Удмурт Дунне 15 марта, 2016 10:11
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<