Воргорон корт валтэк но, уксётэк но кылиз

Related Articles

• Бускельзэ кулонлэсь утиз 0 26.Май
• Шудон вайиз йыр висён 0 14.Фев
• Чернобыль АЭС али но сутэ 0 28.Апр

Воткинскысь воргоронлэсь судъя приставъёс машиназэ талазы. Кӧттырмоназ ворттылыны ик ӧз вутты.

Кӧня ке ар талэсь азьло со банклэсь пунэмам 720 сюрс манет, соин Ярославльысь кышномуртлэсь машиназэ басьтэм. Таид но та автоез кредитэн басьтэм вылэм, банклы уксёзэ берыктымтэ, корт валзэ ӝоггес вузам но узырмем. Ярославль улосысь судъя приставъёс 3 ар утчаллям та машинаез — шедиз со Удмуртиын выль кузё киын. Элькунысьтымы судъя приставъёс воргоронлэсь автозэ талазы. Банк куремъя со вузамын луоз но со чотын нылкышнолэн пунэмез пытсаськоз.

Воргорон корт валтэк но, уксётэк но кылиз. Судъя приставъёс калыклэн тодаз уськыто: тазьы юмоке медад шеде шуыса, басьтоно вуздылэсь кузёзэ эскерыса потэ судъя приставъёслэн, Госавтоинспекцилэн сайтъёсысьтызы. Списокын со адямилэн нимтулыз вань ке, солэсь арберизэ-вуззэ басьтыны эн дыртэ.

Наталья Седова

Туспуктӥз А. Горбунов