«Вераськы анай кылын!» акция ортчытӥз егитъёс

Удмурт Дунне
By Удмурт Дунне 3 марта, 2016 14:18
вераськисько

Удмурт кылын суредъёс сётъяллязы Шаркан ёросысь егитъёс.

«Вераськы анай кылын!» акция ортчытӥз егитъёслэн «Шунды» огазеяськонзы. Со сӥземын вал Анай кыллэн калыккуспо нуналэзлы.

Та акция кылдӥз 2013-тӥ арын. Соку удмурт азьветлӥсьёс потӥзы Ижысь Шор площаде но, калыклы книга сётъяса, ветлӥзы. Мукет аре «шундыос» поттӥзы «Мон вераськисько удмурт кылын» значокъёс, егитъёс али но, соосты гадязы бырттыса ветло, на.

Туэ егитъёс выль сямен та акциез ортчытӥзы — машина нуллӥсьёслы удмурт кылын суредъёс поттӥзы. Отын пӧртэм визькылъёс гожъямын. Кылсярысь, «Сюрес усьтӥське мынӥсьлы», «Вамыштоно ке, мед кылёз пытьы!», «Дыртӥсь таракан пуртые усе». Водительёс соку ик суредъёсты машина бордазы лякылӥзы. Акция ортчиз Ижын, Алнаш, Грак, Пичи Пурга, Якшур-Бӧдья, Дэри но Шаркан ёросъёсын.

Со сяна анай кылэз гажан мылкыд пыӵатӥсь суредъёсты луэ адӟыны Ижысь коркаослэн лифт борддоръёсазы.

шунды

Алнаш ёросысь егитъёс потӥзы базаразы.

Анай кыллэн калыккуспо нуналэзлы сӥзем ужрадъёс ортчытӥзы ёросъёсысь егитъёс но. Озьы Дэбес ёросын калык визьзэ сыназ «Мар? Кытын? Ку?» шудонын. Алнаш ёросысь егитъёс потӥзы базаразы — калыкез эктонъёсын-кырӟанъёсын шулдыртӥзы. Вузаськизы но — удмурт кылын открыткаослэсь но киужъёслэсь барыш поттӥзы.

Удмурт Дунне
By Удмурт Дунне 3 марта, 2016 14:18
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<