«Устоез кивалтӥсь» — Ува ёросысь Булай муниципал кылдытэтлэн кивалтӥсез Ирина Никифорова

Удмурт Дунне
By Удмурт Дунне Март 14, 2016 17:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
Ирина Никифорова

Ува ёросысь Булай муниципал кылдытэтлэн кивалтӥсез Ирина Никифорова.

«Гурт адями-2015» конкурсэ «Устоез кивалтӥсь» номинацие дэмласькомы Ува ёросысь Булай муниципал кылдытэтлэсь кивалтӥсьсэ Ирина Никифороваез.

Егит специалистэз соку ик кутӥзы «Дружба» хозяйствое агрономе.

Ирина Никифорова кивалтэм улсын поселениын трос ӟеч ужъёс лэсьтӥсько. Сьӧрлось гуртъёсы сюресъёс тупатъямын — калык талы туж шумпотэ. Гуртъёс син куспын шулдырско. Кылсярысь, сузямын Парсьгурт но Былайпочинка гуртъёс котырысь ошмес синъёс. Ортчиз чылкытатэм ошмесъёсты сӥё-дано усьтон ужрад, соос вӧсятэмын вал.

Со сяна, кылем арын Булай черкогуртын усьтэмын удмурт культурая центр. Кыӵе гинэ тунсыко ужрадъёс уг ортчыло отын! Та центре лыктӥсьёс понна нимысьтыз программа дасямын. Отын экскурсиос, киужлы дышетонъя мастер-классъёс радъясько, куноосты пӧсь табанен-пыжиськемен куноято. Та центре вуылыны мылкыд карисьёслэсь, эсьмаса, кузь черод кылдэмын.

Ирина Михайловнаез гуртоосыз гажаса «пуксеттэм адями» шуо. Котькыӵе уж борды со мыло-кыдо кутске. «Четвёрка» машинаяз пуксьыса, олокытчы но вуэ. Родники гурт дорысь дугдылонниез лэсьтыку, со ачиз Нылгаысь профнастил вуттӥз, Ирина Михайловна гуртоосыныз ӵош бергаз.

Ирина Никифорова бадӟым уж нуэ ёрмись семьяослы юрттон ласянь. Пу-а ваёно, дӥсен-кутэн-а юрттоно, визь-кенеш-а сётоно — ваньмыз понна сюлмаське муниципал кылдытэтлэн йырыз.

Ирина Михайловна ӝикытлыкез яратэ. Таиз дораз гинэ ӧвӧл, гуртын но шӧдӥське: урамъёсты, юрт котыръёсты чылкыт возёнлы со бадӟым саклык висъя. Юрт котырзэс учкымон возисьёсты вите кузьым. Та ӵошатскон ортче арысь аре. Ирина Михайловналэн трос ай быдэстоно малпанъёсыз. Таяз арын Вамья гуртын чакла удмурт кылбурчилы Людмила Кутяновалы сӥзем синпелет усьтыны.

Таӵе сюлмо луэмез но тыршыса ужамез пусъемын Удмурт Республикалэн, Правительстволэн, Гурт удысъя но сиён-юонъя  министерстволэн Данъян грамотаосынызы. 2015-тӥ арын Ирина Михайловна пыртэмын Ува ёрослэн Данъян пул вылаз. Туж данъяськиськом ми соин!

Зинаида Ложкина,  Ува ёросысь Родники гурт

 

 

Удмурт Дунне
By Удмурт Дунне Март 14, 2016 17:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<