«Устоез кивалтӥсь» — Эгра ёросысь «Ленин сюрес» хозяйстволэн кивалтӥсез Михаил Хохряков

Удмурт Дунне
By Удмурт Дунне 9 марта, 2016 17:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Хохряков

Эгра ёросысь «Ленин сюрес» эштослэн тӧроез М. Хохряков.

«Устоез кивалтӥсь» номинацие ӵектэммы потэ Эгра ёросысь «Ленин сюрес» хозяйстволэсь кивалтӥсьсэ Михаил Ветентиевич Хохряковез.

Гурт удысын ӟеч тыршемез понна со пусъемын «Удмурт Республикаысь гурт удысысь дано ужась» нимен, Россиысь Президентлэн Таукаронэныз. 24-тӥ апреле со пусъёз 60 арессэ.

Ужан удыссэ со мытӥз вордскем палъёсаз — Кабачигуртысь «Ленин сюрес» колхозын водитель луыса. Бӧрысьгес тыршиз валтӥсь инженер, Эгра ёрос администрацилэн кивалтӥсезлэн воштӥсез луыса. 1994-тӥ арын солы оскизы «Ленин сюрес» кооперативен кивалтыны. Ас вылаз басьтӥз со куашкан калэ вуэм хозяйствоез. Тодон-валанзэ муромытӥз Ижысь гурт удысъя академиын. Уен-нуналэн сюлмаськемез юнме ӧз луы: хозяйство юнманы ӧдъяз. Кылем арын кыскемын  2 сюрс 536 тонна йӧл, поттэмын 10 сюрс 893 центнер ю тысь.

Михаил Ветентиевич кичӧлтэмъя пыӵало выль технологиос — озьы гуртоослэн ужзы капчия, вормонъёс йыло. Выльдэмын хозяйстволэн фермаосыз. «Ленин сюрес» арлы быдэ 2-3 выль техника басьтыны пӧрмытэ. Гуртоос дыраз уждун басьто, коркаоссэс, юртъер котырзэс выльдо — озьы чеберске Кабачигурт.

Матысь адямиоссэ ыштыса, куректон пыр потыса но, Михаил Ветентиевич котьку капчи мылкыдо но вазиськись. Туж гажа удмурт выжыоссэ. Гуртысь творчествоя коллективъёслы юрттэ, мылкыдзэс бурдъяса возе. Вис шедьтыкуз, ачиз но калыкен артэ кырӟа-вера. Сыӵе ик луыны кулэ кивалтӥсь.

Эгра ёросысь Кабачигуртын улӥсьёс

 

 

Удмурт Дунне
By Удмурт Дунне 9 марта, 2016 17:30