Улон интыен герӟаськем юанъёсты сэрттэ-пертче «Управдом»

Удмурт Дунне
By Удмурт Дунне Март 21, 2016 11:33
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

школа потребителяЭлькунамы улӥсьёсты тужгес но сюлмаськыто улон интыен герӟаськем юанъёс. Соин валче «Огъя Россия» партия кылдытӥз «Управдом» проектсэ.

Сое валтыны оскемын Кун Кенешысь Экономикаын политикая, промышленностья но инвестициосъя ялан ужась комиссилэн кивалтӥсезлы Валерий Бузиловлы. Улон интыя законъёс ӵем вошъясько, калык уг вутты ваньзэ тодыса-валаса.

— «Управдом» проект улсын Удмуртиысь вань городъёсын но ёросъёсын радъясько «Тодӥсь-валась потребительлэн школаез» курсъёс. Озьы калык пӧлын валэктон уж нуиське ЖКХ удыс сярысь, — вера В. Бузилов. — Та дышетон пыр ортчиз ни 2 сюрс адями, мылкыд карисьёс лачак. Соослы визь-кенеш сёто Улон интыя кун инспекциысь специалистъёс, Удмуртиысь капремонтъя фондын тыршисьёс, юристъёс. Тодон-валан басьтэмъёс тодо ни, кытчы вазиськоно сояз я таяз учырын, кызьы праводэ утёно но трос мукет.

В. Бузилов пусъемъя, улонъя тупатӥське но нуналмысь ӟечоме капремонтлы сӥзем закон. Кылем арын, кылсярысь, отчы воштон пыртэмын: туэ арысен взносъёс уг бичасько али гинэ ӝутэм юртъёсын улӥсьёслэсь. Со сяна, капремонтъя программае пыртэмын юртъёсысь кышкытлыклэсь утиськонъя системаосты выльдон но.

— Законэ выль ӵектонъёсмес дасяськомы. Соосъя калыклы лякытгес луоз бырйыны кыӵе счётын люканы-возьыны капремонтъя взносъёсты. Луонлык кылдоз, та уксёез банкын бергатыса, тросгес табыш басьтыны. Та дырлы угось люкам коньдонэз банкын возьыны лэземын «до востребования» нимаськись счётъёсын гинэ, таяз процентъёс чик уг люкасько.

Елена Никитина

Удмурт Дунне
By Удмурт Дунне Март 21, 2016 11:33
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<