«Укыр чебер, укыр йӧно» конкурслы йылпумъянъёс лэсьтэмын

Удмурт Дунне
By Удмурт Дунне Март 3, 2016 15:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

 

    «Мынам Удмуртие» телерадиокомпания но «Удмурт дунне» газет шаерамы улӥсьёс пӧлын юалляськон ортчытӥзы: удмуртъёс пӧлысь кинэ тӥ лыдъяськоды тужгес визьмо, тузӥ, усточи, шоголь, чупрес адямиен? Вормисьёсты та нуналъёсы сӥё-дано пусйизы Ижысь огаз кафеын. Ӝытэз нуизы «Мынам Удмуртие» компаниысь куинь Светӥос.

  «Тузӥ нылкышно» номинациын тужгес трос куара люказы кырӟась Алёна Тимерханова, Россия Федерациысь дано артистка Светлана Смагина но «Удмурт Кенеш» огазеяськонлэн тӧроез Татьяна Ишматова.

Вормисе потӥз Татьяна Ишматова.

    «Тузӥ воргорон» номинациын тужгес трос куара люказы кырӟась но фольклорез эскерись Николай Анисимов, Удмурт театрлэн валтӥсь режиссёрез Алексей Ложкин, Удмурт театрлэн кивалтӥсез Андрей Ураськин.

Вормисе потӥз  Алексей Ложкин.

«Визьлюк нылкышно»  номинациын тужгес трос куара люказы Удмуртилэн Тӧроезлэн Россиысь Президент бордын ужась представительствоезлэн кивалтӥсез, Удмуртиысь Правительстволэн Тӧроезлэн воштӥсез Светлана Смирнова, Кузебай Герд нимо гимназилэн кивалтӥсез Анжелика Михеева, филология наукаосъя кандидат  Вера Пантелеева.

Вормисе потӥз Анжелика Михеева.

 «Визьлюк воргорон» номинациын тужгес трос куара люказы Удмуртиысь Кун Кенешлэн Тӧроез Владимир Невоструев, Кун Думаысь депутат Николай Мусалимов, Историяя, кылъя но литературая Удмурт институтлэн кивалтӥсез Алексей Загребин.

Вормисе потӥз Алексей Загребин.

«Усточи нылкышно» номинациын тужгес трос куара люказы  удмурт дӥсез выльдӥсь но эскерись Татьяна Москвина, Удмурт Элькунысь калык артисткаос Анна Плотникова но Надежда Уткина.

Вормисе потӥз Анна Плотникова.

«Усточи воргорон» номинациын тужгес трос куара люказы Удмурт кун филармонилэн кивалтӥсез Алексей Фомин, кылбурчи но кырӟась Богдан Анфиногенов, культурая но туризмъя министрлэн воштӥсез Пётр Данилов.

Вормисе потӥз Богдан Анфиногенов.

«Чупрес нылкышно» номинациын тужгес трос куара люказы  «Мынам Удмуртие» телерадиокомпаниысь корреспондент Валентина Русаева, «Удмурт дунне» газетлэн валтӥсь редакторез Зинаида Рябинина, Россия Федерациысь дано артистка Валентина Пудова.

Вормисе потӥз Валентина Пудова.

«Чупрес воргорон» номинациын тужгес трос куара люказы «Мынам Удмуртие» телерадиокомпаниысь режиссёр, пӧртэм проектъёсты кылдытӥсь Павел Поздеев, крезьгуръя редактор Пётр Пушкин, куасэн бызьылӥсь Владислав Лекомцев.

Вормисе потӥз Владислав Лекомцев.

 «Шоголь нылкышно» номинациын тужгес трос куара люказ кырӟась Любовь Быкова, Дышетон удысын йӧскалык ужпумъёсты тодон-эскеронъя институтлэн директорез Надежда Ураськина, удмурт егитъёслэн азьветлӥсьсы, блогер Дарали Лели.

Вормисе потӥз Надежда Ураськина.

«Шоголь воргорон» номинациын тужгес трос куара люказы Удмурт театрлэн кивалтӥсез Андрей Ураськин, кырӟась Николай Анисимов, Удмурт кун филармонилэн кивалтӥсез Алексей Фомин.

Вормисе потӥз  Николай Анисимов.

«Удмурт дунне»

Удмурт Дунне
By Удмурт Дунне Март 3, 2016 15:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<