Удмурт кылъя ГИА

Related Articles

• Калык дунъя тыршисьсэ 0 09.Мар
• Ижын Нелли Миллиорлы сӥзем книгаен тодматскон ортчоз 0 02.Мар
• Улонысь кошкиз Кизнер черкогуртысь гожъяськись Николай Павлов 0 22.Июн

Школаямы куд-ог пиналъёс экзамен сётыны удмурт кылэз но литератураез бырйизы. Кыӵе амалэн ортчоз та предметэн ГИА? 

Ольга Петрова,

Татарстан, Куйык гурт

Валэктэ Дышетонъя но наукая министерстволэн анай кылэз дышетонъя ёзысьтыз  Надежда Ямаева:

— Берло аръёссэ удмурт кылъя но литературая экзамен сётыны мылкыд карисьёслэн лыдзы ичиёмиз. Туэ югдур воштӥськыны ӧдъяз. Угось 9-тӥ классэз йылпумъясьёс, математикаез но  ӟуч кылэз сяна, эшшо 2 предметэз сётыны кулэ на. Соин сэрен удмурт школаосысь тросэз пиналъёс экзаменлы удмурт кылэз но литератураез быръё. Пиналъёслэсь тодон-валанъёссэс эскерон трос пӧртэм амалъёсъя ортчыны быгатэ: сочинение, изложение, грамматической ужъёсын диктант яке билетъёсъя экзамен. Дышетскись ачиз быръёз ни, кыӵе амалэн со удмурт кылъя экзаменэз сётоз. Со сяна, экзамен чот лыдъясько  удмурт кылъя но литературая эскерон ужен вырон но пӧртэм конференциосы пыриськон.

Дасяз «Удмурт дунне»