Толэзьлы быдэ тыл понна 8 сюрс 798 манет тырыны кулэ?

Удмурт Дунне
By Удмурт Дунне Март 30, 2016 13:44

энергоТолэзьлы быдэ тыллы-вулы  тыриськон вуыку, бумага шоры паймыса учкиськод: ма, кытысь-мар  сомында люкаськем? Но мукетыз аслэсьтыз платёжказэ возьматэ ке, аслыд дуннеысь тужгес бадӟым «льготник» потыны кутскиськод.

Дэри ёросысь Ленино гуртысь огназ улӥсь 88 аресъем Анатолий К. ӧз но тодылы, кӧня со  тыл понна уксё тырылӥз — со ужез ас вылазы городын улӥсь нылпиосыз басьтӥзы уго. Но кылем толэзе почтальон песятайлы тыл понна 122 сюрс 910 манет тыр счёт пыртӥз. Тыриськон тупатӥллям кадь 14 толэзьлы. Отын ик пусъемын уго, толэзьлы быдэ со 8 сюрс 798 манет, пе, тырыны кулэ. Воргорон пересь ке но, математикаез ӟеч вала, пинал дыръяз ачиз лыдпусъёсын ужамын, Ильичлэн одӥг лампочкаез но чайник бергатэм понна гинэ сомында нокызьы но люкаськыны кулэ ӧвӧл. Паймыса пиналъёсызлы жингыртӥз. Соосыз, песятайзэс буйгатыса, «Энергосбытлэн» Дэриысь ёзаз мынӥзы. Отын таӵе лыдпуслы ӧз пайме, ваньзэ выльысь лыдъязы-чотазы но… пересьлы асьсэос 2 сюрс 338 манет  пунэме кылизы! Зэм, ӟургетэмлы пумит нокыӵе ӧз кариське — автомат, пе, лыдъя ук…

Ярам, таин югдур сэрттӥськысал ке. Арня но ӧз ортчы, песятайлы Ижысь мировой судьялы сётэм иск сярысь ивор вуиз — соя «Энергосбыт Плюс» куре 122 сюрс 910 манет тырыны… Песятай нош ик шуге-леке вуиз. Дэриын валэктӥзы: иск келямын ни вал, та учырез сэрттытозь… Соиз валамон, но судэ нуналлы быдэ иск уг гожъяло ук, сое келятозь, «должникез» эскерыны уг луы вал шат? Нош юалляськыса вазиськись ке ӧй луысал? Суд энергетикъёслы дурбасьтысал но, ответчиклэн (песятайлэн) дораз лыктыса, приставъёс одӥг лампочказэ вандысалзы, ӧвӧлтэм ваньбурзэ вузатысалзы, пенситэк кельтысалзы? Огкылын вераса, счёт вуиз ке, адӟемдылы эн оске — выльысен асьтэос лыдъяса потэ. Нялтас вераса, та песятайлэн толэзяз тыриськонэз шорлыдын 70-90 манет сяна уг люкаськы вылэм. Тӥни сыӵе ГоЭлРо.

Шӧкыч уром

Удмурт Дунне
By Удмурт Дунне Март 30, 2016 13:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<