Толэзьлы 2 пол радъяськоз «Эмъясен поръян»

Удмурт Дунне
By Удмурт Дунне 1 марта, 2016 11:27
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
прогулка

Вуоноез «Эмъянэн поръян» чакламын 12-тӥ мартлы.

Ижын улӥсьёс но куноос туэ но пыриськыны быгатозы «Эмъясен поръян» ужрадъёсы. Радъяськылоз со котькуд толэзьлы кык пол.

Туэ понна нырысетӥез таӵе поръянъёс ортчизы ни, соосты сиё-дано усьтонэ пыриськизы тазалыкез утёнъя министр Алексей Чуршин но Иж город администрациысь тазалыкез утёнъя управленилэн кивалтӥсез Любовь Косенкова. Специалистъёс пусйизы: эмъясен поръянъёс калыклэсь таза улонэн эшъяськонлы мылкыдзэс уката ӝуто.

Проект пала дур басьтӥзы ни спортсменъёс но. Озьы отчы пыриськылӥзы биатлонистка Ульяна Кайшева но куасэн бызьылӥсь паралимпиец Владимир Кононов. Соос люкаськем калыкен ӵош зарядка лэсьтӥзы. Туэ ар понна калыкен ӵош поръяз ни Тазалыкез утёнъя министерствоысь валтӥсь кардиолог  Дмитрий Тимонин. Со сюлэмез, сэръёсты утёнэн герӟаськем трос юанъёслы валэктонъёс сётӥз.

Вуоноез «Эмъянэн поръян» чакламын 12-тӥ мартлы.

Таяз нимысьтыз саклык висъяськоз валаса сиськонлы. Тулыс вуиз, эшъёс! Озьыез, тросэзлэн веськресгес луэмез потыны кутскоз. Мар со понна кароно? Одно ик поръяно эмъясен ӵош. Нош  со ини вань юанъёстылы валэктонъёс сётоз.

Элина Кумачева

Туспуктэм: mzur.ru

Удмурт Дунне
By Удмурт Дунне 1 марта, 2016 11:27