Тодон-валан дипломен уг мертаськы

Удмурт Дунне
By Удмурт Дунне 9 марта, 2016 13:27
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
DSC_0522_2

А. Мирошниченко: школае вуыны кутскизы егит дышетӥсьёс.

Йылпумъянъёс лэсьтэмын элькунысьтымы дышетон удыслэн кылем арын азинскемезлы.

Дышетонъя но наукая министр Алексей Мирошниченко ӝыны час пала доклад лыдӟиз — пыр-поч вераз, мар лэсьтэмын та удысын берло дыре. Пусйымонэз ӧжыт ӧвӧл: ужаны ӧдъяз 8 выль нылпи сад, отын ватсаса 1 сюрс 252 инты усьтӥськиз. 3-7 аресъем нылпиос пӧлын садике черодъёс ӧвӧл ни. Гуртысь школаосын 37 спортзалъёс выльдэмын, 44 школаын но профессилы дышетонъя 10 организациын инвалидъёсты дышетыны луонлыкъёс кылдытэмын. Асьме нылпиос ӟечесь тодон-валанъёссэс возьмато ЕГЭ-ын, пӧртэм предметъёсъя олимпиадаосы мыло-кыдо пырисько — Россиысь вожвылъяськонъёсысь котькуд кыкетӥез пинал дипломен берытске.

— Школа юртъёслэн ӟечлыксыя, пиналъёсты пӧсь сиёнэн сюдонъя, Интернетэз уже кутонъя асьме школаос  Россиысь 30 устоосыз пӧлы пыро, — пусйиз Алексей Анатольевич. — Туннэ котькуд школаын электрон журналъёс кылдытэмын. 70 сюрс нылпилэн вань ни школьной картаез — соя дышетон организацие пыро-пото, сисько но мукет.

А. Мирошниченко верамъя, югдур кӧня ке тупатӥськиз кадръёсын но. Кылем арын школаосы 218 егит специалистъёс вуизы. Кылем арысен егит дышетӥсьёслы элькун бюджетысь нырысетӥ арзэ ужамзы понна 40 сюрс, кыкетӥ араз — 60 но куинетӥяз — 80 сюрс манет сётыны кутскемын. Та но гочатӥз, луоз.

— Туннэ дышетон  удыслэсь азинсконзэ дунъяны уг яра ни нылпиослэн ӟеч отметкаоссыя но, горд дипломъёссыя но, — вераз министр. — Асьмелы будэтоно вошъяськонъёслы дась луись нылпиосты. Дышетон удыс улонэз одӥг вамышлы ке но азьпалтыны кулэ. Россилэн Президентэз В. Путин мукет но ужпум пуктэ: асьме дышетон удыс дуннеын тужгес устоез луыны кулэ.

Та ужпумъёсты, пе, быдэстыны луоно, ваньмы одӥг мылкыдын, одӥг кыткетын тыршим ке. Нош азинскон кисылэн зӧкталаез бордысь гинэ уг поты. Вормонъёс лыкто, ужпумъёсты валаса сэрттыку-пертчыку но. Озьы Правительстволэн Тӧроез Виктор Савельев городъёсысь но ёросъёсысь дышетонъя ёзъёслэн кивалтӥсьёссылы ӵектӥз:

— Элькунысь коньдонэн юрттэт возьмаса, пуконо  ӧвӧл — асьтэлы бергано-утчаськоно. Кылсярысь, кытын ке, оло, оптимизация ортчытоно. Нош шыръям коньдонэзс ас дорады ик кутыны быгатоды — сое элькун тӥлесьтыд уз басьты.

Азинскыны мукетыз амал — палэнысь юрттӥсь-кисьёсты кыскон. Та ласянь ӟечен пусйизы Вавож ёросэз. Туннэ отысь тросэз гурт хозяйствоос пырисько пиналъёсты будэтонэ — школаосты, нылпи садъёсты ас коньдонэнызы тупатъяло. Выль нылпи сад но пуктыса сёто. Озьы отын яслиосы черодъёс ӧвӧл. Элькунамы та ужпумез быдэстыны кулэ 2020-тӥ арозь.

Элина Кумачёва

Удмурт Дунне
By Удмурт Дунне 9 марта, 2016 13:27 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<