Татарстанысь Кукмор ёросын 30 школа пӧлысь 6-яз дышето удмурт кылэз

Удмурт Дунне
By Удмурт Дунне 16 марта, 2016 08:13
SONY DSC

Удмурт культуралы сӥзем нуналъёс дыръя Кукмор ёросын.

Ӧрес, Куйык, Ошторма Юмья, Дьӧлвыж, Биер, Нӧръя школаосын тросэз пиналъёс — удмуртъёс. Соин удмурт кылэз дышетонлы татын нимысьтыз саклык висъяське.

— Бигер но удмурт кылъёсты одӥг мында дышетӥськом — арнялы быдэ 3 час, — вера Куйык школалэн директорез Владимир Леонтьевич Михайлов. — Со сяна, дышетскон программаямы пиналъёслы ватсаса тодон-валан сётон понна висъяське на 4-5 час. Соосты ми удмурт культуралы сӥзьыны тыршиськом, удмурт школаос куспын пӧртэм ужрадъёс ортчытъяськом.

Татарстанысь удмурт школаос котьку валче ужало. Кылсярысь, арлы быдэ удмурт школаосысь пиналъёс понна пумиськонъёс, удмурт культуралы сӥзем ужрадъёс ортчыло. Нимысьтыз саклык висъяське 10-тӥ-11-тӥ классъёсын дышетскисьёслы. Уго соос азьлань сюрессы сярысь малпаськыны кутско: кытчы дышетскыны пыроно яке кинэн туганъяськоно. Татын улӥсь удмуртъёс сюлмасько, калыксы медаз бигермы шуыса.

Тросэз пиналъёс пыро Удмурт кун университетысь Удмурт кылосбуръя, финно-угроведениея но журналистикая институтэ. Со сярысь малпаське ни Куйык школаын 9-тӥ классын дышетскись Таня Петрова но. Туэ со удмурт кылъя ГИА сётыны малпа.

Пиналъёс бигерзэ дышето иностранной кыл чотын. Куйык школаын 101 пинал пӧлын одӥг бигерез но ӧвӧл ке, Ошторма Юмьяысь школае ветло бигер пиналъёс но. Таосыз анай кылэз сямен дышето бигерзэ, удмуртсэ — иностранной кыл чотын.

Татарстанын анай кылэз дышетонлы умой луонлыкъёс кылдытӥсько. Но удмурт школаослэн йыр висёнзы вань ик: уг тырмо удмурт кылъя учебникъёс но книгаос.

— Али ке но удмурт кылэз вуж учебникъёсъя дышетӥськом, — вера Биер гуртысь удмурт кылъя дышетӥсь Михаил Леонидович Михайлов. — Нош матысь дыре милемыз урокъёсты электрон книгаосъя нуыны косозы ни.

Бигеръёс гань-гань кариськыны уг сёто, шуо удмурт школаосын кивалтӥсьёс. Соин валче удмурт школаос арысь аре Татарстанысь 100 усто школаос пӧлы пыро.

Мария Векшина

Туспуктэмез авторлэн

 

Удмурт Дунне
By Удмурт Дунне 16 марта, 2016 08:13
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<