Спорт сузьет: хоккей, биатлон, машинаен ворттылон…

Удмурт Дунне
By Удмурт Дунне Март 14, 2016 13:22
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Хоккей

 «Ижсталь» азьлань мынэ

ВХЛ-ын шудӥсь командаос Братина кубок понна нюръяськонзэс азьланьто.

16 команда пӧлысь ӝыныез палдӥз ни та нюръяськонысь. Ижысь хоккеистъёс нырысь шудонзэс ортчытӥзы Санкт-Петербургысь «СКА-Нева» командаен. 5 пумиськонын 4 пол вормыса, азьпала вамыштӥзы. Табере шаерысьтымы хоккеистъёс шудозы эшшо но кужмогес «Рязань» командаен. ВХЛ-лэн турнираз соос 2-тӥ инты басьтӥзы. 1/4 финалын ӵошатсконъёс кутскозы арнянуналысен. 13-тӥ но 14-тӥ мартэ «Ижсталь» шудоз куноын, нош Ижысь учкисьёс командаосты пумитаны дасясько 17-тӥ-18-тӥ мартэ. Пусйыны кулэ, та командаос туэ 2 пол пумиськылӥзы ни, Ижын шудыкузы, асьмелэнъёс вормонъёсын шумпоттӥзы вал.

Биатлон

 Нылъёс — нырысетӥ, пиос — куинетӥ

Уфа городын йылпумъяськиз Россиысь егитъёслэн биатлонъя 3-тӥ спартакиадазы.

Нимаз стартъёсын вормон дорозь сузьтӥськыны асьмелэнъёслы ӧз кылды, со понна командаен нюръяськонын медальёс утӥзы. Нылъёсмы Анастасия Кайшева, Татьяна Воронова но Элина Никитина финиш гожез котькинлэсь ӝог выжизы. Соос 0,6 секундлы кельтӥзы Свердловск улосысь командаез. 3-тӥ интые потӥзы Красноярск улосысь нылъёс. Шаерысьтымы пиос Никита Лобастов, Александр Мяконький но Ильназ Мухамедзянов эстафетаын 3-тӥ инты басьтӥзы, соос келязы Тюмень но Москва улосъёсысь эшъёссылы. Суро эстафетаын Элина Никитина, Кристина Егорова, Александр Мяконький но Ильназ Мухамедзянов 2-тӥ инты басьтӥзы. 1-тӥ но 3-тӥ интые потӥзы Мордовиысь но Москваысь егитъёслэн командаоссы.

Машинаен ворттылон

 Нуналлы быдэ финал

5-тӥ — 7-тӥ мартэ Ижысь ипподромын машинаен ворттылонъя тол ӵошатсконъёс ортчизы. 

Нырысетӥ нуналаз спортсменъёс вожвылъяськизы Россилэн кубокез понна, кыкетӥ нуналаз — Россилэн чемпионэз луон понна, куинетӥ нуналаз шудытӥськиз Удмуртилэн кубокез но чемпионатэз. Нырысь 2 нуналаз кужмогес вал куноос. Ижысь спортсменъёс пӧлысь Александр Шуваловлы гинэ 10 кужмоез пӧлы шедьыны удалтӥз. Со понна куинетӥ нуналаз, Удмуртилэн чемпионатаз, вормиз Константин Данилов. Удмуртилэн кубокез понна нюръяськонэ пыриськизы Россиын лэсьтэм машинаосын ворттылӥсьёс гинэ. Кубокез утӥз Ижысь Ильдар Фаттахов. Нош вань ӵошатсконъёсыз лыдэ басьтыса, 2016-тӥ ар понна Удмуртилэн чемпионэз луиз Ижысь Максим Загумёнов. Машинаен ворттылонъя тол ӵошатсконъёс дыръя уно гинэ вал шуккиськон но сюрес урдсы пезьдылон учыръёс. Трос машинаос паньгазы ке но, руль сьӧрын пукисьёс вӧсь луыны ӧз шеде.

Великен ворттылон

 Олимпиадалы матэгес

Туэ гужем Бразилиын ортчоно Олимпиадае шедён вылысь очко люкало великен ворттылӥсьёс. Та нуналъёсы соос люкаськылӥзы Саранске.

Калыккуспо ӵошатсконэ пыриськизы Белоруссиысь, Даниысь, Латвиысь, Чехиысь но Россиысь спортсменъёс. Россилэн командаяз кутэмын Сарапулысь Борис Пономарёв. «Элита» группаын, вань эшъёссэ азьпалтыса, 1-тӥ инты басьтӥз. Та вожвылъяськон дыръя асьме спортсменмы Россиысь вань эшъёсызлэсь тросгес очко люказ но Рио-де-Жанейроын ортчоно Олимпиадае шедён вылысь нырысетӥ кандидат луиз.

Куасэн бызьылон

 Нырысетӥ

Россиысь 17-18 аресъем егитъёс пӧлын куасэн бызьылонъя ӵошатсконъёслы йылпумъянъёс лэсьтэмын вал. 

Москва улосысь «Демино» спорткомплексэ вань улосъёсысь егит спортсменъёс люкаськылӥзы. Россилэн первенствоез эстафетаен йылпумъяськиз. Нылъёсмылы вормон дорозь сузьтӥськыны ӧз удалты ке, пиос (Егор Трефилов, Сергей Ардашев, Владислав Потапов но Виктор Семёнов) 3-тӥ инты басьтӥзы. Россилэн первенствояз Удмуртиысь егит спортсменъёс котькинлэсь трос, 1 сюрс 473, очко люказы но огъя командаен 1-тӥ инты басьтӥзы. 2-тӥ но 3-тӥ интыосы потӥзы Москваысь но Москва улосысь командаос.

Дасяз Валентина Емельянова

 

 

Удмурт Дунне
By Удмурт Дунне Март 14, 2016 13:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<