Подъездысь лампочка понна коньдон тыремын!

Удмурт Дунне
By Удмурт Дунне 21 марта, 2016 13:32
OLYMPUS DIGITAL CAMERA

Лампочкаез асьтэос вошъяськоды ке, озьыен, управляющей компанилэсь ужзэ ас вылады басьтӥськоды.

Этажамы лампочка кӧня ке нунал ӝуа но кысэ. Та дырозь ачим лампочка басьтӥсько вал. Акыльтӥз. Тодэме потэ, кин кыл кутэ этажысь лампочкаез воштон понна?

Антонина Н., Иж

 Валэктон сётэ Ижысь Октябрь ёросъя прокурорлэн юрттӥсез Александр Козельцев.

— Лампочкаез асьтэос вошъяськоды ке, озьыен, управляющей компанилэсь ужзэ ас вылады басьтӥськоды. Россиысь Правительствоен юнматэм Трос этажъем юртъёсын ваньбурез кутонъя но возёнъя правилоосъя, озьы ик Улон интыя кодекслэн 161-тӥ статьяезъя ӵапак управляющей компания сюлмаськыны кулэ улон юртысь калыкез кышкытлыклэсь утён, отын улыны ӟеч условиос кылдытон сярысь.

Улон интыя кодекслэн 162-тӥ статьяяз гожтэмын: котькуд управляющей компанилэн вань юртэз возён сярысь огкылэз, ӵапак отын пусъемын, огъя ваньбурын кылдӥсь шекъёсты палэнтонэз со ас вылаз басьтэ шуыса. Та ужъёс пӧлы пыртэмын лампочкаосты воштон но. Управляющей компания лампочкаосты басьтыны уксё висъяны кулэ арендае сётэм сэрегъёсыз яке ЖКХ понна тыриськонъёс чотын люкаськись коньдонысь.

Лампочкады ӝуамысь дугдӥз шуыса, ивортоно управляющей компанидылы. Чик ӝегатскытэк, со выльзэ пуктыны кулэ. Уг вырӟы ке, вазиськыны быгатӥськоды улон интыдыя Прокуратурае.

 

 

Удмурт Дунне
By Удмурт Дунне 21 марта, 2016 13:32