Ож чалмон, кризисысь потон но эскерон ужен вырон

Удмурт Дунне
By Удмурт Дунне 2 марта, 2016 09:20
011358,9 мая,день победы,возложение,цветы,цветок

Туспуктӥз А. Горбунов

Дуннеын

Ожлы пум вуэ?

Сириын ож чалме. Та пумысен огкылэ вуизы Америкалэн но Россилэн президентъёссы Барак Обама но Владимир Путин.

Сириын ожмаськон чалмыны кулэ 26-тӥ феврале уйшоре. Таӵе чурыт курон пуктэмын Сириысь правительстволы пумит ожмаськисьёс, озьы ик террористъёслэн группировкаоссы азе но. Таос пыӵал тӥрлыксэс ӧз куштэ ке, соосты быдтон азинтӥськоз.

Сириын война кыстӥське ини 5 арлэсь ятыр, отысь калык кир-пазь луэмын. Но та вакытэ соослэн ӟечезлы осконзы юнмаз. Ыбылӥськонъёс-пуштонъёс чалмемен, куд-огез мылкыд кариз ни улон юртъёсаз берытскыны. Югдур гань-ганьгес луиз ке, ООН огазеяськон Сириысь калыклы келялоз гуманитарной юрттэт. Палэнэ уз кыльы кунмы но. Россилэн Сириысь «Хмеймим» авиабазаысьтыз самолётъёс юрттэт вуттозы Сирилэн пӧртэм интыосаз.

055747,деньги,финансы,монета,мелочь

Туспуктӥз А. Горбунов

Россиын

Нюръяськон азинтӥське

Правительство кризисысь потонъя план дася.

Азьвыл чакламын вал бадӟымгес юрттэт висъяны банкъёслы, таяз радэ Правительство валтӥсь интые пуктӥз вуз поттонэз. Экономикаез азинтонъя министр Алексей Улюкаев пусъемъя, туэ экономикаез ӝутонлы кулэ луоз 880 миллиард манет. 250 миллиардэз пытсаськоз Правительстволэн кризисысь потонъя фондэз чотын, утчано луоз на мукет амалъёс но, шуиз А. Улюкаев.

Коньдон ужпумъёсъя министр Антон Силуанов малпамъя, Россилэсь экономиказэ шуг-секытысь поттыны кема дыр кулэ луоз.

Туспуктӥз М. Векшина

Туспуктӥз М. Векшина

Удмуртиын

Покчи тодосчиос

Удмурт кун университетын ортчиз пиналъёс понна «Наукае нырысетӥ вамышъёсы» конференция.

Ужрадэ люкаськизы шаерысьтымы тужгес визьмо но быгатӥсь пиналъёс. Соос нырысь ик вормон басьтэмын асьсэ школаязы, собере — ёросазы. Нош табере вуэмын Удмурт кун университетэ. Эскерон ужъёссылэн темаоссы пӧртэмесь. Кин ке тунсыкъяське удмурт литератураен но кылтодонэн, кин ке — фольклорен но шаертодонэн.

Та проектэз ас вакытаз малпаз педагогика наукаосъя кандидат Л. Фёдорова. Валтӥсь ужпумез — школаын дышетскись пиналъёсты кыс-кыны удмурт наукае.

Елена Никитина

Удмурт Дунне
By Удмурт Дунне 2 марта, 2016 09:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<