Можга ёросын ужа «Ӟабыльтӥсь чуръёс» литературая кружок

Related Articles

• Синпелетэз 49 арлы арендае сётозы 0 08.Июн
• Мар мон курысал Кызлэсь 0 11.Авг
• Сӥлы каризы нылкышноосты 0 13.Мар

Можга ёросысь Кватчи школаын ньылетӥ арзэ ужа ини «Ӟабыльтӥсь чуръёс» литературая но творчествоя кружок. Татчы мыло-кыдо пырисько 5-тӥ-8-тӥ классъёсысь нылпиос.

Можга ёросысь Кватчи школаысь пиналъёс «Эру» ужрадын.

Удмурт кылъя но литературая дышетӥсь Наталья Арсентьевна Владимирова верамъя, туэ мыло-кыдо кружоке ветло 5-тӥ классысь нылпиос, ваньзы сямен нылъёс. Ангелина Владимирова, Марина Князева, Евгения Поздеева, Маша Нестерева одӥг кружокез но уг кельто.

— Пиналъёс кылбуръёс, выжыкылъёс гожъяло, йыртӥянъёс лэсьто, йӧндыро басняос малпаны. Соосты печатла школаямы потӥсь «Кватчи калейдоскоп» газет (кивалтӥсез Ольга Георгиевна Алёшкина). Газет толэзяз огпол потэ, соин ик нылпиослэсь кылбуръёссэс классысьтымы борддоре но ошылӥськом, мед лыдӟозы мукет эшъёссы но. Ыстӥськомы «Ӟечбур!» но «Выль даур» газетъёсы, «Кизили» журналэ, — шуэ Наталья Арсентьевна.

Дышетӥсь школаысь пиналъёсты ушъя гинэ, кыӵе ужрадъёс луо гуртын, ёросын, шаерын, ваньмаз ик нылъёс-пиос мыло-кыдо пырисько, пе. Школаязы ортчылћсь «Чеберина», «Батыр», «Быдэ вуон», элькунын ортчылћсь «Эру» ужрадъёсын пиналъёс  усточи луэмзэс возьмато. Наталья Арсентьевна шумпотэ, школаын ваньмыз дышето удмурт кылэз. Татысь ик пото вормонъёс.

— Кылсярысь, Игнатий Гавриловлы сӥзем ёрос фестиваль ортчиз писательлэн вордӥськем гуртаз — Бадӟым Сибыын. Пиналъёсмы отын нырысетӥ инты басьтӥзы, «Сирота ныл но ӵӧжмер» выжыкылзэ пуктыса. Кемалась ик ӧвӧл вуылӥмы Дэри ёросэ, отын радъяськиз ёросъёсысь школаос пӧлын шаертодонъя «Шундыберган» вожвылъяськон. Ми озьы ик вормонэн но кузьымъёсын бертӥмы. Арлы быдэ удмурт кылъя но литературая олимпиадае пыриськиськом, котькуд ар ёросын вормисе потӥськом. Туэ 11-тӥ классысь Татьяна Степанова ёрослэсь данзэ утиз республикаын, — шуэ  Наталья Арсентьевна.

Галина Семёнова