Мар юрттоз йӧнатӥськыны?

Удмурт Дунне
By Удмурт Дунне Март 9, 2016 09:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
кривилёва

Кун Кенешлэн сессияз Правительстволэн одӥгез часэз сӥземын вал тазалыкез утён удысэз азинтонлы.

Журналистъёсын пумиськылӥз Кун Кенешлэн Тӧроезлэн нырысетӥ воштӥсез, Тазалыкез утёнъя, демографияя но семья ужпумъёсъя ялан ужась комиссилэн кивалтӥсез Светлана Кривилёва.

Ӝыны дунын

Кун Кенешлэн сессияз Правительстволэн одӥгез часэз сӥземын вал тазалыкез утён удысэз азинтонлы. Собере Москвае ӵектонъёсын потэмын.

— Со дэмланъёс пӧлысь кӧняез ке матысь дыре улонэ пыӵаны быгатозы ни, — пусйиз Светлана Петровна. — Кылсярысь, 2017-тӥ арысен куд-ог эмъюмъёс ӝыны дунын вузаськыны кутскозы, угось дунзылэсь оглюкетсэ ас вылаз басьтоз кун. Эмъюмъёсты страховать карон программае пыртэмын луозы улонын тужгес кулэ луись подоваос, шуом, ӝуткаськись вирзӥбетлэсь. Соосты адями нуналлы быдэ юоно луэ, нош уг йӧнатӥськы ке, пери шуккыны, сюлэм кутыны быгатоз.

Эмъюмъёсты страховать каронъя программа кылем арысен эксперимент чот Россиысь 3 улосын пыӵатӥськыны кутскиз ни. Таос пӧлын — артысь Киров улос но. Отын пусъё: инсульт, инфаркт шуккыса кулэмъёслэн лыдзы соку ик кулэсмиз.

Фельдшеръёслы — 500 сюрс манет

Асьме элькун ик Москвае ӵектонэн потӥз вал: быдэн 500 сюрс манетэн висъяно гуртэ ужаны мынӥсь фельдшеръёслы. Тодмо луиз: Россия таин соглаш кариське.

— «Гуртысь фельдшер» программа улонэ пыӵаны кутскоз 2017-тӥ арысен, — пусйиз Кун Кенешысь тазалыкез утён понна кыл кутӥсь комиссилэн кивалтӥсез. — Туэ таин герӟаськем законэ воштонъёс но ватсанъёс пыртэмын луозы ни.

«Гуртысь фельдшер» программа матын луоз «Гуртысь эмчи» программалы. Кыкетӥез чакламын вылӥ тодон-валанэн специалистъёслы. Солы луыса элькунысьтымы гурт больницаосы 393 егит специалистъёс вуизы ни. Ваньзы соос быдэн 1 миллион манетэн басьтӥзы. Вераны кулэ, «Гуртысь эмчи» программа озьы ик азинтӥськоз. Туэ элькунысьтымы 25 егит эмчиос пыриськозы.

2017-тӥ арысен куд-ог эмъюмъёс ӝыны дунын вузаськыны кутскозы.

2017-тӥ арысен куд-ог эмъюмъёс ӝыны дунын вузаськыны кутскозы.

Туала центръёс

Матысь аръёсы котькуд улосын кылдыны быгатозы нылпиослы вылӥ технологиосын юрттэт сётонъя центръёс. С. Кривилёва верамъя, та сярысь вераськон мынӥз «Огъя Россия» партилэн феврале Москваын ортчем съездаз.

Вылӥ технологиосын эмъянлы арысь аре тросгес саклык висъяське. Элькунысьтымы кӧня ке эмъян учреждениосын со сётӥське ни. 2007-тӥ арын талы 60 миллион манет кошкиз ке, кылем арын — 1 миллиард 200 миллион. Но ваньмыз сямен операциос лэсьтӥсько мӧйыослы. Нош нылпиосты келяно луиськом на Россиысь бадӟым центръёсы. Озьы анай-атайёс трос дырзэс быдтоно луо, сюрес вылэ коньдонзы но кошке. Нош улосъёсы нимысьтыз центръёс усьтыса, троссэ та сюлмаськонъёсты палэнтыны луоз.

— Съездын мукет но ӟеч дэмланъёс чузъяськизы, — азинтӥз веранзэ С. Кривилёва. — Кылсярысь, Россия выльысь ас вылаз басьтыны чакла нылпиослэсь гужем шутэтсконзэс радъянэз. Берло аръёсы та быдэсак куштэмын вал улосъёс вылэ. Озьы ик азинтӥськоз школаосы бассейнъёс лэсьтон, гурт школаосысь спортзалъёсты выльдон.

Нош диспансеризация ортчон нуналаз адями табере уж дураз ветлытэк но быгатоз. Та понна солэсь уждунзэ уз кулэстэ. Кун Думаысь депутатъёс та ужпумез эскеризы но нырысетӥ лыдӟемен юнматӥзы ни.

Элина Кумачёва

Туспуктэмъёс: А. Горбунов,

udmgossovet.ru

Удмурт Дунне
By Удмурт Дунне Март 9, 2016 09:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<