Ку узырмозы гуртэз ӝутэмъёс?

Удмурт Дунне
By Удмурт Дунне 1 марта, 2016 10:23
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Гурт удысын тырши 30 арлэсь ятыр. Кемалась верасько ни, гуртын кема ар ужамъёслэн пенсизы борды доплата тыриськоз шуыса. Кылӥськиз вал, та закон, пе, туэысен пыӵаны кутскоз. Озьы ик-а со?

Семён Яковлев.

Можга ёрос.

Удмурт Пычас гурт

Валэктон сётэ Пенсиосъя кун фондлэн Удмурт ёзысьтыз калыклэн вазиськонъёсыз ужанъя ёзлэн кивалтӥсез Татьяна Кудрявцева.

— Зэм но, чакламын вал та доплатаез туэ 1-тӥ январьысен ик сётыны. Но экономикаын югдур секыт, кунлэн бюджетаз уксё уг тырмы. Соин ик Россилэн Правительствоез пуктӥз: та законэз кельтоно вуоно арозь. Нош кыӵе югдур луоз вуоно арын, пыӵалоз ик-а та закон 2017-тӥ арын — таизлы меӵак валэктон сётыны секыт.

Закон пыӵаны кутскиз ке, юрттэт басьтозы гуртын улӥсь, АПК удысын 30 арлэсь кема ужам пенсионеръёс. Доплаталэн быдӟалаез луоз пенсизылэн страховой люкетэзлэн 25 процентэз мында (та дырлы со 1 сюрс манетлэсь ятыр). Пенсионер городэ улыны выжиз ке, та надбавка уз тыриськы.

Удмурт Дунне
By Удмурт Дунне 1 марта, 2016 10:23 Updated