Хоккеен шудонъя «Ижсталь» команда нош ик вормиз

Удмурт Дунне
By Удмурт Дунне 15 марта, 2016 10:24

Толон ӝыт «Ижсталь» Рязаньын кижстальыкетӥ шудонзэ ортчытӥз.

Шудон керӟегъяськон, мыжгаськон бордысен кутскиз. Пумиськонлэн нырысетӥ люкетаз ик хоккеистъёс 53 минут штраф люказы. Отӥяз шудон каньылля басылаз, нырысетӥ люкетлэн пумаз «Ижсталь» гол пыртӥз.

Шудонлэн кыкетӥ люкетаз нокинлы гол пыртыны ӧз удалты, нош куинетӥ люкетаз Ижысь хоккеистъёс эшшо 2 гол пыртӥзы. Кыкетӥ пумиськон 0:3 лыдын йылпумъяськиз, гол пыртӥзы Сергей Купцов, Александр Игнатов но Денис Вихарев.

Огъя счётлэн лыдыз 0:2 луиз. Табере шудон Ижын азинтӥськоз. Оскем потэ, «Ижсталь» вормонзэ уноятыны быгатоз.

Валентина Емельянова

Туспуктэм: hcizhstal.ru

Удмурт Дунне
By Удмурт Дунне 15 марта, 2016 10:24