Калыклэсь мылкыдзэ юалозы

Удмурт Дунне
By Удмурт Дунне Март 16, 2016 12:28
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
19291,кардиоцентр,больница,врачи,пресса,журналист Егоров Игорь берет интервью

Муниципал кылдытэтъёсын общественной комиссиос ужаны кутскозы.

Тазалыкез утён удысын оптимизация ортчытыку, калыклэсь но мылкыдзэ одно лыдэ басьтозы. Таӵе законлы проект али эскериське Кун Думаын.

Кун Кенешысь Тазалыкез утёнъя, демографияя но семья ужпумъёсъя ялан ужась комиссилэн кивалтӥсез Светлана Кривилёва верамъя, та понна муниципал кылдытэтъёсын общественной комиссиос ужаны кутскозы. Отчы пырозы кивалтӥсьёс, эмчиос, огшоры адямиос. Больницаосты пытсанэн-огазеянэн герӟаськем ужпум нырысь ик таос куспын эскеремын луоз. Собере гинэ — депутатъёс пӧлын.

Та амал утьыны кулэ малпамтэ вамышъёс лэсьтонлэсь. Со сяна, калык азьло ик дась луоз воштӥськонъёслы.

— Адямиосты али кышкатэм кадь кариськом ни, соиз я таиз больница пытсаськоз шуыса, — пусйиз Светлана Петровна. — Ум валэктӥське, юрттэт сётон уретэмын уз луы шуыса. Бен, койкаослэн лыдзы кулэсмоз. Но адями висёнэныз ваче син уз кыльы. Солы умой-умой валэктоно: кытчы вазиськоно, кин солэсь тазалыксэ чаклалоз, кин больницае мыныны но отысь бертыны юрттоз…

Таӵе ик малпанзы элькунысьтымы мукет вылӥ кивалтӥсьёслэн. Эмъян удыслэн 2015-тӥ арын ужамезлы йылпумъянъёс лэсьтон дыръя тазалыкез утёнъя министр А. Чуршин валтӥсь врачъёслы вазиськиз: калык пӧлын валэктон уж нуоно! Со верамъя ик, туэ элькунысьтымы 18 эмъян учреждение оптимизация пыр потоз, таос пӧлысь данакез кыкысь одӥге огазеямын луозы.

Элина Васильева

Туспуктӥз А. Горбунов

Удмурт Дунне
By Удмурт Дунне Март 16, 2016 12:28
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<