Ижысь цирке вуылӥз РСФСР-ысь дано артистка Наталья Варлей

Related Articles

• 80 студент басьтоз 1 миллион манет 0 21.Ноя
• Футбол азинскоз 0 02.Авг
• «Сирота» кыл мед вуноз 0 06.Июн

Наталья Варлей актриса Удмуртие нырысьсэ уг вуы ни.

Кинолэн арезлы сӥзьыса, Россиысь тодмо актрисаен Наталья Варлеен 16-тӥ мартэ тунсыко пумиськон ортчиз Воткинскын. 17-тӥ мартэ со вуылӥз Иже.

Наталья Владимировна йылпумъямын  Москваысь цирк студиез, собере — цирк но эстрада искусствоя кун училищеез, ужамын циркын. Татысен ик солы усьтӥськиз киное сюрес. Соин ик, шоркарамы лыктыса, Наталья Варлей нырысь ик цирке вамыштӥз. Циркен  тодматскон сяменыз актриса мылкыдзэ вераз:

—  Цирк  — мон понна нимысьтыз дунне. Пичи дырысен циркын, пагӟа вылэ пуксьыса, учкисько вал представлениосты, училищеын дышетскыкум ини, вань эшъёсме цирке ветлыны дышетӥ. Та искусствоысь кино дуннее выжеме бере паймымон чебер, тунсыко интылэсь но цирк омырлэсь ог дасо аръёс мӧзми на, — шуиз Наталья Варлей.

Актриса Удмуртие нырысьсэ уг вуы ни.

— Котькуд лыктыкум, шуисько, татчы ужан понна лыктоно ӧвӧл. Тӥляд чебер инкуазьды, тунсыко интыосты, синмаськымон калыкты, соин ик  дорады юромо шутэтскыны, музейёсты адӟыны вуоно, — мылкыдзэ усьтӥз дано артистка.

Галина Савина

Туспуктӥз А. Горбунов