«Ижстальлы» полуфиналозь — одӥг вамыш

Удмурт Дунне
By Удмурт Дунне 18 марта, 2016 13:07
ижсталь

Рязаньысь командаен пумиськонъёслэн лыдыз 3:0 луиз.

Толон ӝыт Ижысь Йӧ двореце тыраз калык люкаськылӥз. «Ижсталь» команда «Рязанен» шудӥз. Пумиськон 3:0 лыдын йылпумъяськиз.

Шудон мыжгаськонъёс бордысен кутскиз. Соин валче командаосысь быдэн 2 мурт штрафникъёслэн ӟусазы шутэтскизы. Буйгатскизы гинэ, Ижысь хоккеистъёс бӧрсьысь бӧрсе 2 гол пыртӥзы. Куноос ма карыны паймемысьтызы, капка возьмасьсэс воштӥзы. Шудонлэн кыкетӥ люкетаз нокинлы гол пыртыны ӧз удалты. Куинетӥ люкетаз висисьёс гол курыса, зол кесяськизы. «Ижсталь» соосты эшшо одӥг пол шумпоттӥз на. Голъёс пыртӥзы Сергей Купцов, Алексей Черников но Кирилл Старцев.

Рязаньысь командаен пумиськонъёслэн лыдыз 3:0 луиз. «Ижстальлы» полуфиналын шудон вылысь эшшо одӥг вормон кулэ на.

Валентина Емельянова

Туспуктэм: hcizhstal.ru

Удмурт Дунне
By Удмурт Дунне 18 марта, 2016 13:07