«Ижсталь» Тверь командаез нырысетӥ шудонын вормиз

Related Articles

• Мунчогуртын — сурым 0 08.Окт
• Ижкарын Гогольлэн бульварез выльдӥськиз 0 10.Ноя
• Вылезлы шуак уд дышы 0 03.Апр

Вылӥ лигаын шудӥсьёслэн Братина кубок понна нюръяськонзы азьланьтӥське. «Ижсталь» команда азьлань мынэ.

Толон но туннэ Ижысь хоккеистъёс Тверьын шудо. Нырысетӥ шудон дыръя «Ижстальлы» вормыны удалтӥз ватсаса сётэм таймын. Шудонлэн нырысетӥ люкетаз нокинлы гол пыртыны ӧз удалты. Кыкетӥ люкетаз висъяськиз Ижысь хоккеист Сергей Купцов. Ӟырдыт мынӥз шудонлэн куинетӥ люкетэз. Асьме капкае 44-тӥ минутын тверьёс гол пыртӥзы вал. Судьяос сое ӧз лыдъялэ. Озьы ке но, 9 минут ортчыса, «ТХК» команда нош ик гол пыртӥз. Огъя шудон 1:1 лыдын йылпумъяськиз. Нырысетӥ овертаймын ик «Ижстальысь» Александр Черниковлы гол пыртыны удалтӥз. Ижын бадӟым хоккей луоз 1-тӥ но 2-тӥ апреле. Та нуналлы ваньмыз сямен билетъёс вузамын ни.

Валентина Емельянова

Туспуктэм: hcizhstal.ru