Ивор сузьет: «Пельняньысен Китаёзь», «Мисс Сюмси 2016», «Параскева-усточи»

Удмурт Дунне
By Удмурт Дунне 16 марта, 2016 07:55
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Эгра

Пельняньысен Китаёзь

Кыкетӥ арзэ Эгра ёросын пӧраськонлы сӥзем «Пельняньысен Китаёзь» фестиваль ортчоз.

Нырысетӥез фестиваль ёросысь Годекшур гуртын вал. Ужрадэ тачак калык люкаськиз. Таяз учыре куноосты пумиталоз Эгра каргурт. 12-тӥ мартэ вазь ӵукнаысен ёрос центрысь паркын шулдыръяськон луоз. Нылпиос но анай-атайёс понна пӧртэм ӵошатсконъёс, конкурсъёс, мастер-классъёс радъялозы.  Ужрадлэн шорсюлмыз герӟаськемын луоз пӧртэм выжы калыкъёсын но турлы кутэм пельнянез веръянэн. Каргуртысь шаертодонъя музейын туспуктэмъёсын адӟытон усьтӥськоз. Кызьы ивортӥз музейын ужась Екатерина Сунцова, кылем арын ортчем ужрадэ 3 сюрс пала адямиос пыриськизы, туэ та лыдпусэз ортчыны малпаськомы.

Дэбес

Ваньзы вормисьёсты

Политехникумын дышетскисьёс Мордовиысь вормонъёсын бертӥзы.

Февраль пумын Мордовиысь Ичалки черкогуртын ортчиз киужъёсъя «Параскева-рукодельница» 7-тӥ улосвыл фестиваль. Ужрадэ пыриськизы 55 дышетскон заведениысь 160 пала кибашлы пиналъёс. Дэбесысь нылъёс куинетӥ арзэ та вожвылъяськонэ пырисько. Мария Лекомцева мунё лэсьтӥз, солы уйпал удмуртъёслэсь дӥсьсэс вуриз, Марина Соловьёва паймытӥз куэм  ныпъетэн, нош Юлия Ившина черсэз но кубоез удмурт пужыен чебермам. Ваньзы та нылъёс удмурт дӥськутъёсын пӧрмытскемын вал. Улосвыл фестивальысь соос вормонъёсын бертӥзы.

Сюмси

Чеберай

Нылкышноослэн нуналзы азьын «Мисс Сюмси 2016» ужрад ортчиз.

Ёросысь культурая юртэ трос калык люкаськиз. Вань нылкышноосты ӟечкылазы ёрослэн йырыз Анатолий Пантюхин но ёрос администрациысь культурая управлениен кивалтӥсь Эльвира Овечкина. «Мисс Сюмси» вожвылъяськонэ 11 нылъёс пыриськизы. Та нуналэ нылъёслы тужгес пӧсь йӧтӥз, кырӟаны-вераны быгатэмзэс но ёроссылэсь историзэ тодэмзэс возьматӥзы. Ужрадэ пыриськем нылъёс ваньзы кузьымъёсын пусъемын, «Мисс Сюмси 2016» луиз черкогуртысь «Берёзка» нылпи садын ужась воспитатель Марина Попова, нош учкисьёслэсь кузьымзэс утӥз Сюмси шор ёзо школаысь 10 «а» классын дышетскись Диана Морсева.

Шаркан

Черкогурт выльдӥське

Та нуналъёсы тодмо луиз шаерысьтымы муниципал кылдытэтъёс пӧлын тужгес устоез гурт поселенилэн нимыз.

Та дырлы котькинлэсь чеберен лыдъямын Шаркан черкогурт. Ёросысь кивалтӥсьёс 7-тӥ арзэ бадӟым вормонъёс басьто. Азьвыл аръёсы кыкетӥ яке куинетӥ инты басьтылӥзы ке, туэ ваньзэс азьпалтӥзы но 1,5 миллион манет утӥзы. Висъям коньдонэн черкогурт ульчаосысь лампаосты выльдыны малпало. Шаркан черкогуртлэсь бере уг кылё Быги гуртысь кивалтӥсьёс но. Соослы но пичильтык коньдон кузьым висъямын. Азьланяз сое гурт котырзэс шулдыртонэ кутозы.

Дасяз Валентина Емельянова

Удмурт Дунне
By Удмурт Дунне 16 марта, 2016 07:55
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<