И. В. Таракановлэн книгаосынызы фонд кылдытозы

Удмурт Дунне
By Удмурт Дунне 4 марта, 2016 09:47
Тараканов

Удмурт кун университетын буре ваёзы Иван Васильевич Таракановез.

4-тӥ южтолэзе 13.00 часын Удмурт кун университетлэн лыдӟиськоннияз ортчоз профессорлэн И. Таракановлэн книгаосыныз тодматскон.

Кылосбур наукаосъя доктор, Удмурт факультетысь профессор  Иван Васильевич Тараканов гожтӥз 240-лэсь ятыр научной ужъёс, пӧртэм книгаос но методической бичетъёс. Профессор эскериз фонетикаез, морфологиез, орфографиез, диалектологиез, басьтӥськылӥз мукет темаос борды но. Жаляса верано, кылем арын дано профессор улонысь кошкиз.

Али солэсь ужъёссэ бича университетысь библиотекалэн шаертодонъя ёзэз. Отын малпамын кылдытыны И. Таракановлэн книгаосыныз фонд. Талэсь оглюкетсэ адӟыны луоз туннэ пумиськон дыръя.

Ужрадэ вуозы студентъёс, профессорлэн эшъёсыз, Удмурт кун университетысь дышетӥсьёс. Буре ваёзы Иван Васильевич Таракановез.

«Удмурт дунне»

 

 

Удмурт Дунне
By Удмурт Дунне 4 марта, 2016 09:47