«Выжыоссэ утись» — Грак ёросысь Бадӟым Вожой гуртысь Леонтий Кривошеев

Удмурт Дунне
By Удмурт Дунне Март 2, 2016 10:26
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Кривошеев

Грак ёросысь Бадӟым Вожойысь Л. Кривошеев.

«Гурт адями» конкурсэ «Выжыоссэ утись» номинацие ӵектӥськомы Грак ёросысь Бадӟым Вожой гуртысь Леонтий Николаевич Кривошеевез. Сое, ми палъёсын гинэ ӧвӧл, шаерамы но тросэз тодо.

Кинлы ке со тодмо усто дышетӥсь луэменыз — пусъемын «Дышетон удысысь отличник» нимын, мукетызлы — шаертодон ужен выременыз но музей кылдытэменыз. Нош берло дыре со гожъяськон удысэ кыстӥськиз.  Потӥзы ни 6 книгаосыз, со пӧлын кылбуръёсын 3 бичетэз: «Гуртысь салам», «Покчи гужеме сюрес», «Пӧзе на ошмесэ».  Шаертодонлы сӥзем 3 книгаез тужгес шуныт пумитамын вал гурт калыкен.

Леонтий Николаевич вордскиз, будӥз но быдэс улонзэ тыршиз Бадӟым Вожойын. Гуртысь кошкылӥз армиын служить карыны но Сарапулысь электромеханикая техникумын дышетскыны. Со бӧрсьы 2 ар Ижысь радиозаводын тыршиз на но вордскем гуртаз берытскиз. Школае физикалы но математикалы дышетӥсь луыса интыяськиз, бӧрысьгес та удыслы нимысьтыз дышетсконо кариськиз Удмурт кун университетысь физикая но математикая факультетын. Но лыдпусъёс-формулаос солы сокем тунсыко потӥллямтэ: Леонтий Николаевичез гочатӥз история.

— Физикаез но математикаез нуыкум, пиналъёсын ӵош ачим но дышетски, шуыны луоз. Та предметъёс мынам сюлмыя сокем ик ӧй вал, — шуэ Леонтий Николаевич. — Нош история — со туж паськыт но тунсыко маке. Выльзэ тодон понна трос бугыръяськи пӧртэм книгаосын, статьяосын. Пиналъёс пӧлын пӧртэм конкурсъёс, адӟытонъёс, тунсыко адямиосын пумиськонъёс радъялляй. Калыклэсь историзэ угось возьмато адямиос.

Леонтий Николаевич пиналъёсын ӵош басьтӥськиз утчаськон уж борды.  Дэмен соос пӧртэм арбериос шедьтӥзы, соос ик музейлы кутскон сётӥзы. Озьы Леонтий Николаевичлэн капчи киыныз школаын усьтӥськиз шаертодонъя музей, со котькинлы адӟем карымон луиз. Пенсие потыса но, со музееныз люкиськыны ӧз быгаты. Туж трос ветлӥз, калыклэсь верамъёссэ гожъяса, трос утчаськиз архивъёсын. Музейлэн шыкысэз узырмиз. Трос материал люкаськемен, Леонтий Николаевич книга поттыны малпаз. Озьы Бадӟым Вожой гуртлэн историез пыраклы кылемын  «Штрихи  к истории деревни» книгаяз. Калык сое туж шумпотыса пумитаз. Бӧрысьгес поттӥз «Зов мирных полей» книгазэ — отчы пыртэмын Лолошур-Возжи котырысь 8 гуртъёсысь Быдӟым оже кошкемъёслэн нимтулъёссы, туспуктэмъёссы. Нош кылем арын потӥз солэн «Улон выжыос» книгаез. Со сӥземын удмурт сям-йылолъёслы. Леонтий Николаевич быдэс улонзэ тырше ни калык понна. Со вань кужымзэ-мылкыдзэ сётэ вашкалаосмылэсь кылем узырлыкез утён но егитъёс пӧлын вӧлмытон понна.

Галина Бахтина,

Грак ёросысь Лолошур-Возжи гурт

 

 

 

Удмурт Дунне
By Удмурт Дунне Март 2, 2016 10:26
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<