Дуннелэн кубоксэ басьтӥз алнаш пияш

Удмурт Дунне
By Удмурт Дунне 29 марта, 2016 16:13
леком

Алнаш ёросысь 21 аресъем паралимпиец басьтӥз Дуннелэсь биатлонъя кубоксэ.

Ортчем шутэтскон нуналъёсы Финляндиын йылпумъяськиз паралимпиецъёс пӧлын Дуннелэн кубокез понна куасэн бызьылонъя ӵошатсконлэн (IPC) берпуметӥ люкетэз.

Шумпотымон ивор: 30 иськеме марафонын но 1 иськеме спринтын вормисе потӥз Удмуртиысь спортсмен Владислав Лекомцев. Со сяна, со азвесь медален пусъемын 7 но ӝыны иськеме бызьылонын, туй медален — 15 иськеме биатлонын.

Озьы Алнаш ёросысь 21 аресъем паралимпиец басьтӥз Дуннелэсь биатлонъя кубоксэ, кыкетӥ интые потӥз куасэн бызьылэмезъя — ӧжыт гинэ келяз Россиысь ик паралимпиецлы Рушан Миннегуловлы.

Елена Никитина

Туспуктэм вотэсысь басьтэмын

Удмурт Дунне
By Удмурт Дунне 29 марта, 2016 16:13