Азиез но Европаез герӟа Иж. Эжен Чаплинлэн малпанэз зэмаз

Удмурт Дунне
By Удмурт Дунне 14 марта, 2016 16:15
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

9-тӥ тулыссэ ини Ижын ортчиз цирк искусствоя калыккуспо фестиваль. Дуннеысь тужгес яркыт, аспӧртэм, серемес но усточи артистъёс вожвылъяськизы Зарни, Азвесь но Туй гондыръёс понна. 7-тӥ южтолэзе тодмо луизы вормисьёс.

Цирк искусствоя 9-тӥ фестивалез сӥё-дано усьтон.

Цирк искусствоя 9-тӥ фестивалез сӥё-дано усьтон.

Пичи шыкысысь бадӟым артист

Удмуртиысь учкисьёс 4 нунал ӵоже адӟизы дуннеысь тужгес тунсыко, кышкыт но чебер цирк номеръёсты, нош артистъёс, клоунъёс, гимнастъёс вожвылъяськизы фестивальын устоосыз луон понна. Ужрадэз усьтӥз Удмуртилэн Тӧроез Александр Соловьев.

— Ӟеч сямлы пӧрмиз ини шаерамы ортчытъяны цирк искусстволы сӥзем фестивалез. Арысь аре сое учкыны, Удмуртиысь гинэ ӧвӧл, бускель улосъёсысь адямиос но вуо. Соин ик, шуг-секытъёс шоры учкытэк, ми тыршом вуоно арын но та фестивалез радъяны, кайта со 10-тӥзэ ортчоз ини, — шуиз А. Соловьев.

2011-тӥ арын Ижын ортчем цирк фестивальын Зарни гондырез басьтӥз вал Василий Тимченко. Таяз со ӧтемын вал куно сямен. Выль программаез но зарезь левъёсыз учкисьёслы туж кельшизы.

2011-тӥ арын Ижын ортчем цирк фестивальын Зарни гондырез басьтӥз вал Василий Тимченко. Таяз со ӧтемын вал куно сямен. Выль программаез но зарезь левъёсыз учкисьёслы туж кельшизы.

Котькуд представление 3 часлэсь кема кыстӥськиз. Нырысь ик арена вылэ потӥзы Китайысь артистъёс. Соос юромо та фестивальлы П. Чайковскийлэн «Лебединое озеро» балетэзъя дасязы эквилибр амалэн номер. Сое пуктӥз Китайысь акробатъёслэн огазеяськонзылэн вице-президентэз Ли Ксининг. Нялтас вераса, та нылкышно куинетӥзэ цирк фестивале пыриське ини жюри сямен, эшшо ик, туэ со луиз Удмуртиысь культура удысысь дано ужась. Ли Ксининг пусйиз:

— Та Азиез но Европаез герӟась фестиваль. Иже лыктэм котькудӥз артист паймытэ аренаын ужаны быгатэменыз, соин ик Китайысь усточиос татчы одно ик пыриськыны тыршо.

Китайысь артистъёс возьматӥзы П. Чайковскийлэн «Лебединое озеро» балетэзъя дасям номерзэс.

Китайысь артистъёс возьматӥзы П. Чайковскийлэн «Лебединое озеро» балетэзъя дасям номерзэс.

Котькуд номер зэмзэ но паймымон вал. Китайысь эквилибристъёс потэм но Чайковскийлэн паймымон крезьгурез чузъяськыны кутскем бере ми вунэтӥмы, арена вылын юсьёс интые воргоронъёс «уяло» шуыса. Канадаысь Дарья Винтилова купол улын ик лобаз. Огкутскемен омырын ньыль пол берытскиз, но пал киыныз гинэ кырмиськыса вуттӥз трапеция борды. Учкисьёс куалектэменызы шокамысь ик дугдӥзы кадь. Ез вылын йырчукин тэтчаны но эктыны быгатэменыз аслыз синмаськытӥз Испаниысь Никол Николс. Учкисьёс, уката ик нылкышноос, кичабонъёссэс ӧз жалялэ Румыниысь агай-вынъёслы: уно цирк фестивальёсын вормылэм «Экстрим бразерс» трио яркыт номерен Иже вуэм.

Великобританиысь клоун Хенри возьматӥз, кызьы ужало официантъёс.

Великобританиысь клоун Хенри возьматӥз, кызьы ужало официантъёс.

Чебереныз но ӝоглыкеныз паймытӥз Уйпал Осетиысь «Иристон» ансамбль. Валъёсын аттракционлы кылем арын 90 ар тырмиз. Ансамбльлэн кивалтӥсез Таймураз Кануков шуэ: зэмос джигит нырысь ик умой адями луыны кулэ. Урод адямиос сыӵе чеберлыкез, эриклэсь омырзэ, кавказ мылкыдэз но эктонэз возьматыны уз быгатэ. Нош та артистъёс вал вылын но вал улын сылыса, эктыса но тӧл сямен ворттылӥзы арена кузя. Соослэн задор но кужмо мылкыдзы учкисьёслы но паласькиз.

Уйпал Осетиысь «Иристон» аттракцион чебереныз паймытӥз.

Уйпал Осетиысь «Иристон» аттракцион чебереныз паймытӥз.

Цирк искусствоысь одӥгез вашкалаез жанр нимаське «каучук». Артистъёс паймыто мугорзылэн резинка кадь позырес луэменыз. Кылсярысь, США-ысь егит ныллэн Джорданлэн но Россиысь Александр Батуевлэн номеръёссы огвыллем кутскизы. Соос кыксы ик учкисьёс азе потӥзы пичи шыкыс пушкысь. Кызьы отчы тэриз бадӟым мурт? Таӵе юанзы учкисьёслэн ӧз ни кылды артистъёс кый кадь позыръяськыны но мугорзэс куасалляны ӧдъям бере. Ми валаны вырим, кытчы пыриз артистлэн пыдыз, малы солэн йырыз кусказ пуксиз но кызьы пыдтышкыз кунулаз интыяськиз.

Россиысь калык артист 72 аресъем Николай Павленко 12 тигръёсын дирижировать кариз.

Россиысь калык артист 72 аресъем Николай Павленко 12 тигръёсын дирижировать кариз.

Кык гондырен бертӥзы

Фестивальын бадӟымъёсын артэ ик нырысьсэ кылдытэмын вал нылпи жюри. Туэ Ижысь цирк студилы тырмиз 10 ар. Пичи арлыдзы шоры учкытэк, та нылъёс-пиос — зэмос артистъёс ини. Соос, нимо-дано усточиос сямен ик, дунъязы котькуд номерез но асьсэлэсь кузьымзэс сётӥзы тужгес кельшем артистлы. Удалтӥз Россиысь КокосОФФ (Борис Никишкин) клоунлы. Нялтас вераса, туэ жюриын нырысьсэ ужаз быдэс дуннелы тодмо киноактёрлэн Чарли Чаплинлэн пиез — Эжен Чаплин. Со Швейцариысь Веве городысь комикъёслэн фестивальзылэн президентэз луэ. Эжен Чаплин фестиваль кутскон азьын шуиз:

— Берло дыре клоунъёсты ог-огзылэсь висъяны секыт луиз, соос ваньзы огпорма выро, киноын но, циркын но. Куд-огез ачиз маке малпаны уг пӧрмыты но, вашкала номерез выльдыса, аренае потэ, но со азьвылэзлэсь умойгес уг луы. Котьку но секыт вал калыкез серекъятыны, туала вакытэ уката ик. Оскем потэ, та фестивальын монэ клоунъёс серекъятыны но паймытыны быгатозы шуыса.

Китайысь усточиос Зарни гондыр басьтӥзы.

Китайысь усточиос Зарни гондыр басьтӥзы.

Эжен Чаплинлэн Ижысь фестивальын малпанэз зэмаз. Великобританиысь клоун Хенри но Россиысь Борис Никишкин, синву потымон, серекъятӥзы учкисьёсты. Нокыӵе кылъёстэк, выросъёсынызы гинэ залэз улӟытӥзы но капчи мылкыд кузьмазы быдэс ӝытлы. Борис Никишкин но солэн юрттӥсез Александр Тарасенко, нылпи жюрилэсь кузьымзэ (шудон гондыр) басьтэм сяна, бадӟым дунъясьёслэсь Туй гондырзэс утӥзы на. 3-тӥ луизы: США-ысь жонглёр Влад Мягкоступов, Канадаысь акробатка Дарья Винтилова но США-ысь Джордан — куасалляськись ныл. Азвесь гондыръёслы кузё луизы: Бразилиысь но Испаниысь акробатъёс Густаво Сартори но Сауло Сармиенто но Россиысь «каучук» Александр Батуев. Зарни гондыръёсын доразы бертӥзы тужгес бадӟым коллективъёс — Китайысь артистъёс «Сани Бойз», «Лебединое озеро» номеръёсын но Монголиысь акробатъёс, таосыз, пу вылэ тэтчаса, омырын бергазы.

Галина Семёнова

Туспуктэмъёсыз Павел Шрамковскийлэн

Удмурт Дунне
By Удмурт Дунне 14 марта, 2016 16:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<